劉偉強拖着太太黎安兒出來接受訪問。
導演劉偉強迎接57歲生日，一如往年假西貢寓所附近舉行派對慶祝，獲圈中好友齊來到賀，他與黎安兒以黑色情侶裝手拖手出來迎接來賓，並接受訪問。
北京準備開戲
問生日願望？他笑言：「梗係身體健康，你知啦，都去到呢個歲數。另一個願望就大家都開心啲！（太太送乜嘢禮物？）冇呀，多謝佢一直打理得頭家好好，覺得好安慰。」劉偉強透露4月13日將為新戲開工，但詳情未能透露，只說：「聽日就要飛北京準備。（今晚唔可以盡興？）我哋不嬲都好有紀律，10點就返屋企休息！」
擺明偏心個女
劉偉強又表示剛接到好消息，細女獲紐約的大學收生：「個女想讀心理學，話要醫老竇，因為老竇心理唔平衡！佢8月尾就要離開我哋身邊，都開始百感交集，就嚟見唔到佢，但有大學收都戥佢開心，咁多個仔出去讀書冇送過佢哋出埠，個女就想送佢去開學，依家擺明偏心，係要照顧多啲。」
來源 source: http://hk.on.cc
|
鍾意就快D Share啦！
|
|
|