有一個互相陪伴嘅同事、戰友、朋友係一件好幸福嘅事！
無綫套《我瞞結婚了》早兩日就播完啦，雖然個結局就畀網民鬧爆，不過呢套劇最大嘅賣點當然係一對螢幕情侶─黃翠如同洪永城喺劇中，佢哋飾演一對因為工作而瞞婚嘅夫妻，成日鬥嘴，好多人睇完都話好想佢哋真係成為情侶。
互叫對方「食屎」
呢日，翠如BB喺社交網站甫咗一段非常經典嘅影片出嚟，仲好感性寫咗一段文字畀洪永城，原來呢條片係翠如同Tony第一次合作嘅旅遊節目，嗰陣佢哋仲喺有線，相信都已經十幾年前啦。片中，洪永城叫翠如BB重演「食屎」嘅情景，當然翠如冇聽佢講啦，仲用激將法逼洪永城食：「如果唔夠膽咪認囉！」最後Tony就冇畀佢激到，仲走埋添！
望洪永城會更發光發亮
成日都話合久必「分」，原來翠如同洪永城已經合作咗10幾年，由當初青澀嘅旅遊主持，直到依家喺劇集度飾演鬥氣夫妻，佢哋依然襯到爆，翠如好感激Tony一直陪佢成長：「好兄弟，不知道我們還會不會一起合作，也不知道我們將來的人生如何，但我感激你，吵吵鬧鬧互相嫌棄的日子也感激你。」佢仲好感嘆話唔知自己可以紅幾耐，不過就希望對方可以更加有名：「聽說女生在這行業時間很短，我被淘汰的一天或許是你更發光發亮的一天，加油。」見到佢哋可以咁Friend，真係不得不認同世界真係有男女純友情嘅關係呀！
向蕭正楠示愛
不過識睇一定睇留言，有網民叫翠如同Tony去拍拖，而翠如就回應佢話：「其實我鍾意嗰個叫蕭正楠」嗚嘩！Sweet爆啦，翠如BB咁有情有義，真係抵咁多人鍾意你呀。
來源 source: http://hk.on.cc
|
鍾意就快D Share啦！
|
|
|