喺大台演過無數次人哋細佬嘅鄭俊弘，參加《星夢》之前，喺無綫拍咗約四十幾部劇，大多數都係配角、客串，每月月薪不足五千元，日日捱飯盒搭地鐵，還要靠遠在加拿大媽咪接濟。三年多前他接受《蘋果》專訪時稱：「我鍾意藝術，一定唔會放棄，總有出頭天，只要堅持一定會等到，最少得着係行到出街，人哋見到我講得出我個名。」今日鄭俊弘上埋封面，都應該叫做「成功」咗。今日鄭俊弘呢個封面——背住有米未婚妻偷食何雁詩兩個月，其實成件事穿晒，都係因為Uber。咁當然，不忠有罪。點解關Uber事呢？據周刊引述那位睇唔過眼嘅未婚妻(鄭俊弘嗌未婚妻做beebs)嘅閨蜜稱，鄭俊弘係今年二月開始「有古怪」，例如對beebs態度忽冷忽熱，但問番佢發生乜嘢事又賴係工作忙唔開心嗰種。而嗰段時間，亦就係鄭生同何雁詩錄合唱歌《真心真意》嗰個period。講番Uber。件事係咁嘅。周刊報道稱，beebs當時已feel到男友唔對路，但仍予以信任，一切如常，鄭俊弘亦掩飾得好好，同未婚妻plan旅行大計。上月22號，鄭俊弘又約未婚妻上自己位於愉景灣屋企玩煮飯仔。點知生米都煮成熟飯喇，仍然未見鄭生返家。beebs於是搵佢啦，鄭生話九點返，之後又改稱要同人開會，結果等到凌晨四點先返到。可能鄭俊弘嗰晚真係太攰，有啲緊要嘢唔記得馬上處理咗先，就係—— 翌日beebs處理單據時，發現鄭俊弘開咗個新Uber戶口，凌晨3點由大埔滌濤山去中環碼頭。而最令beebs心痛嘅，係付款人用咗一個叫Stephanie Ho開頭嘅Email PayPal戶口做登記，而何雁詩英文名叫Stephanie，屋企亦係喺大埔滌濤山。beebs即Whatsapp質問鄭俊弘係咪前一晚約咗何雁詩，最初鄭只係話食完飯之後，送何雁詩返屋企，但俾Beebs chok得兩chok，鄭即自首話有上過何雁詩屋企，飲咗杯水同去廁所先走。不過由餐廳10點半關門到凌晨4點幾，鄭俊弘先返到愉景灣屋企，中間最少有兩至三個鐘嘅空白位，真係發生咩事都有可能。事後何雁詩都認咗係幫鄭俊弘找Uber條數，仲話：「咁我有account，我俾都唔出奇，大家係好朋友，唔使計咁多」睇嚟鄭俊弘都係迫番地鐵算啦。
|
鍾意就快D Share啦！
|
|
|