出爐金像獎男配曾志偉於晚上7時45分抵達素宴會場，問他心目中可有籌款金額目標？他稱：「年年都四五百萬左右，數目一向都好穩定，因為年年都係喺我生日之前舉行，好多朋友都習慣自己打電話嚟，希望大家年年都做一次善事，結下緣咁。」他稱之前曾為不少寺院出力，由平地而起又有，重修亦有，廣結善緣。問志偉明晚是否一如以往開生日派對？他笑稱：「係呀，會同黃杏秀一齊慶祝，係我主動撩佢嘅，因為上次中咗馬之後都冇機會請朋友食飯，我哋好多Common friend，所以約埋一齊啦。」講到話阿倫譚詠麟約極都約唔到，提議佢不如折現買層樓送俾佢志偉即笑道：「你叫佢唔好避，佢最鍾意有人情嘅時候走去避。」講到姜皓文（黑仔）事件，志偉自言當下第一時間都想道歉，「我上台只係想講『一部賠26部』，我係想鼓勵黑仔，話俾佢知後面嘅機會就係佢喇，但係都唔知點解自己講咗一部贏（編按：應是「撼」）26部，我完全冇呢個用意。若然令大家有所誤會，我覺得係需要道歉。」「我一直都好鼓勵黑仔，之前見到佢，我都同佢講：『之後就係你㗎喇！』金馬獎時都問過啲影評人，問點解會輸俾台灣嗰個，佢就話大會宗旨係扶植年輕一代。咁如果金像獎有同樣訊息嘅話，咁佢哋四個老嘢就一定唔會中。」「你問我想唔想攞，我當然想攞，但我自己講錯咗一句說話令人誤會，出咗街，自己真係有需要道歉。」
來源 source: http://s.nextmedia.com
|
鍾意就快D Share啦！
|
|
|
