雖說娛樂圈競爭大，但亦有唔少friend爆姊妹團，除有「胡說八道會」，仲有梁詠琪、許茹芸、李心潔同楊采妮嘅「小黃花姐妹」，佢哋仲不時行善，幫助弱勢社群同小朋友，非常有愛。至於樂壇代表，就有前組合Cookies成員：鄧麗欣（Stephy）、區文詩（Angela）、楊愛瑾（Miki）、吳雨霏（Kary），4人多年來都老友鬼鬼，即使各有各忙，都會盡量抽時間聚一聚，儼如「四位一體」。不過，「餅太/女」們關係最近生變，《蘋果》收到消息，同樣已成為人妻的Kary和Miki，原來在去年Kary被爆小產後，姊妹情緣盡。消息指，今次「做主動」的是Kary。事件有跡可尋，Kary早前低調地將instagram「重整」，一次過取消所有追蹤，據知是不想太著跡，讓外間發現她unfollow了Miki。此外，Kary又將Miki的相片悉數刪除；早前Miki生B，Kary亦未有往探望。相反，Miki在ig上，未見任何「異動」。Kary主動與Miki劃清界線，局外人Stephy和Angela都不便插手，兩人惟有「走多場」，輪流約Kary同Miki見面，4人聚會變成3人行，今個月初去都有約埋去探啱啱生完嘅Miki同BB。Kary今次態度如此決絕，追源溯始，事件源由是去年Kary痛失胎兒一事。知情者稱：「Kary一直守住呢個秘密，知道嘅人只有身邊極少數朋友，估唔上年11月會俾人爆咗出嚟，令Kary又傷心又嬲，估唔到自己信任嘅人，原來會出賣佢。」據知，小產事件曝光仲上埋封面後，Kary好快已經鎖定「目標」，矛頭直指某人，但她未有當面指摘，只是狠不決心，不再當對方係朋友，因為覺得好失望，感覺猶如傷口灑鹽。《蘋果》向Kary求證此事，她透過WhatsApp回覆，稱：「大家最近各有各忙啊！」又用「緣來緣去」，默認姊妹情有變：「最近真的很忙啊！我好相信緣份，能夠做到家人同朋友都要講緣份，緣來緣去！」對於私隱被洩，Kary不願多談，只表示：「冇再諗呢件事」。而《蘋果》就事件曾聯絡Miki，但未獲回覆。
|
鍾意就快D Share啦！
|
|
|