郭晉安周麗淇孭重飛「再創世紀」
無綫將於7月斥資逾億開拍重頭劇《再創世紀》，此劇會橫跨亞洲、美洲及歐洲拍攝，當中《創世紀》的靈魂人物郭晉安會擔任男主角，還有近日人氣勁升的林文龍、袁偉豪及周柏豪；女主角則有周麗淇、楊怡及鍾嘉欣等，多位實力派演員助陣，絕對有「戲」勢。郭晉安更笑說：「今次我係重金禮聘o架！我唔落疊，呢個就唔係《創世紀》」
無綫豪擲逾億開拍劇集《再創世紀》，於1999年播映的《創世紀》及翌年的《創世紀II天地有情》收視與口碑俱佳，當年無綫以1.5億投資這兩輯，合共106集，即使多次重播都令觀眾看得肉緊。相隔18年，今次新劇《再創世紀》共有36集，主題和故事圍繞近10年香港金融經濟發展，將於7月開拍，無綫預計一年時間製作，暫定明年中播放。
遷就湊女 加國取景
觀眾最關注的，莫過於新劇的靈魂人物，今次男主角就是當年《創世紀》中飾演馬志強的郭晉安，監製則是高收視劇集《不懂撒嬌的女人》監製關樹明，據知憑《不》劇人氣再升的男主角林文龍亦加盟此劇，袁偉豪和歌手周柏豪亦會參演。女主角就有周麗淇、楊怡和鍾嘉欣，周麗淇曾替無綫拍劇集《秀才遇著兵》，更成為其事業轉捩點，之後又拍《天幕下的戀人》、《女警愛作戰》等劇，令她擁有電視粉絲團。據知無綫跟她傾了大半年，以誠意打動。
至於楊怡和鍾嘉欣，前者是離開娘家後第一套無綫劇，嘉欣則是產後首次演出劇集。據知，劇中楊怡飾演郭晉安太太，嘉欣戲份亦不少，無綫亦體恤她要照顧女兒，故她的戲份會在溫哥華取景拍攝，可見無綫相當重視。有兩大實力派男演員及多位花旦助陣，絕對有「戲勢」！
笑蔡少芬忙搵人仔
《再創世紀》靈魂人物郭晉安受訪時坦言今次故事及演員都耳目一新，說到無綫巨額投資，他笑言：「係呀！今次我係重金禮聘o架！我哋會去捷克同加拿大拍外景，仲要喺深圳取景拍兩個多月，其他有乜演員我唔清楚，不過我唔落疊，呢個就唔係《創世紀》」說到之前他指希望可與蔡少芬（Ada）再續《創世紀》緣分，安仔笑說：「Ada喺大陸好忙o架！搵埋好多人民幣。（你唔一齊搵？）我屋企唔夠佢大嘛！」他又指雖認識周麗淇，但合作則是第一次，並打趣說：「佢係靚女嚟！當然期待合作，原先蔡少芬做我家姐o架嘛！依家Niki（周麗淇）做咗我個女。」Ada則承認《再》劇有搵她：「係有搵，但我交畀公司決定，最後冇接到！（可惜？）拍劇都講緣分！」
文：影視組
|
鍾意就快D Share啦！
|
|
|