克勤話佢會集中火力傾《舊歡如夢》嘅問題，要對症下藥。
歌手李克勤、Dear Jane及JW以禁毒大使身分出席太陽計畫揭幕禮，接受訪問時，克勤表示演唱會已加開第七場，不過還未知道會否再加：「因為之後有其他歌手，公司同有關方面傾緊，機會係五十五十。（破咗自己紀錄？）唔記得啦，冇認真計過啲場數。」不過克勤坦言因為1995年演唱會賣得唔好而令到每次開演唱會都好驚，笑言：「嗰次賣得唔好好深刻。（驚咗好耐？）一路驚到公開賣飛，因為試過唔好，雖然95年之後都開過好多場，好似同容祖兒、譚詠麟一齊咁，但都會諗唔好累到人。」
提到昨晚跟李嘉欣慶生，克勤指成班朋友每隔個多月都會有聚會，但笑言對方甚麼都有所以不用送禮物。至於工作方面，克勤指要積極籌備演唱會，搞笑謂：「會集中火力傾《舊歡如夢》嘅問題，要對症下藥。」問到是否沒有時間陪仔女暑假去旅行，他直言已經去了東京，剛才出席活動前更買了籃球畀仔仔：「小朋友出去活動吓游吓水打吓籃球，唔好淨係打機，打機同毒藥一樣，我都鍾意打機，但要適可而止。」克勤透露兩個小朋友都有電話，不過就會限時間使用，而自己都會看仔女的社交平台，亦都叫他們不要上載私人嘢上網。
來源 source: http://hk.on.cc
|
鍾意就快D Share啦！
|
|
|