藝人洪永城曾在2015年為無綫拍攝旅遊節目《在那遙遠地方－北韓》而遠赴當地，他在社交網站發文透露當年到達北韓入境時，犯了「低級錯誤」，不小心帶了一本香港購買的北韓旅遊書而被問話，他寫道：「封面套咁啱係將金生嘅肖像接（cut）咗一半！」他指當時官員找到書時，他嚇得全身震，更被帶入房問書的內容，最後要他簽悔過書始獲放行。
翠如嗌抵死
洪永城接受電話訪問，他表示觸發到他講出兩年前的經歷，是因為近日美國大學生瓦姆比爾獲北韓釋放後，返回美國六日後在醫院離世的新聞，令他有感而發講出自己的經歷，也是為了提醒準備去北韓旅遊的人需要注意的事項。對於瓦姆比爾的經歷，他表示未知是否因瓦姆比爾是美國人所致。談到當時被北韓官員拉入房，他直言很害怕，身旁的攝製隊亦呆望着他：「佢哋咪呆咗咁望住我囉，我好驚，怕要去接受教育！然後要留喺當地做導遊，同大家講生活得好開心！」問到當時入境後可有在當地聯絡親友告訴其經歷？他說：「冇特別講，都係返咗香港先講。（好友黃翠如知唔知？）佢話抵死囉，叫我下次小心啲！」
洪永城透露拍攝完節目後，有旅遊團在2016年再邀請他到北韓：「話北韓開放咗好多，開放平壤以外嘅地方，例如去高麗山採人參、行山！」但他就直言人生去一次就夠，他謂：「時間上唔夾，同埋都覺得冇必要再去」
醒你去北韓小貼士
到過許多國家旅遊的他，被問還有甚麼地方要小心？他表示南非不時有罪案發生，而黎巴嫩亦有戰亂，他補充表示到北韓旅行只要跟足導遊的指示、不擅自夜遊就可以，他說：「始終國有國法，家有家規！」他又再三叮囑準備前往當地旅遊的人：「手機入面對當地領導人不敬或者搞笑嘅相、內容，一定要delete晒佢，因為入境會check電腦、手機，就算係當地影相，影完導遊都會check過先得！」
|
鍾意就快D Share啦！
|
|
|