千雪BB咪就快封盤？
藝人朱千雪現身活動，提到早前有指她與讀醫的圈外人Justin蜜遊新加坡，問到是否拍拖？她反問：「邊個話我拍拖？相處緊，幾開心。只係趁有假期去旅行，我哋識咗好耐。（兩個人去？）我媽咪同妹妹都一齊。（見家長？）大家嘅屋企人都好熟。（識咗幾耐？）細細個就識。（bb就識？）咁上下。（指腹為婚？）唔係，咩年代呀！（兩家人係世交？）我媽咪同佢媽咪仲friend過我同佢。（佢媽咪當你係新抱？）係世姪女。（你媽咪好鍾意佢？）我唔知，我冇問佢。（佢好細心？）佢都幾好，依家大家相處吓先，我唔急。大家都係近期先聯絡番，close咗啲，因為之前大家喺唔同地方。佢係香港人，但喺外地工作。」
朱千雪坦言不想講得太詳細，不是怕被公司鬧，而是因為對方是圈外人，有責任保護對方不被打擾，至於如何撻着？她說：「大家相處得舒服，發展得好自然。（咁仲要觀察幾耐？）觀察到夠為止，需要多啲時間，大家又唔喺同一個地方，唔想諗咁遠，只係要諗下次幾時見、去邊度食飯。（你係咪已經封盤？）唔識答，我知道係咩意思但唔識點答。（你要畀啲訊息其他追求者？）我冇其他追求者，所以唔使畀，總之結婚通知你。」
來源 source: http://hk.on.cc
|
鍾意就快D Share啦！
|
|
|