歐鎧淳話佢依家個方向都係游水行先。
香港「女飛魚」歐鎧淳與藝人王喜，出席他們有份配音的動畫慈善首映，歐鎧淳更獲男友胡子彤到場支持。首次為動畫配音的歐鎧淳覺得好神奇，她說：「配音共3日，一開始冇諗咁多，只係當工作，感覺好神奇，聲演又好似演員咁去首映去謝票。（有難度？）因為媽咪話我把聲跟唔上，冇諗難度，想證明畀媽咪睇，因為角色都係女仔但有啲男仔頭，覺得好似我，但我就要高8度聲，誇張十倍。」問到會否拍戲？她直言公司與教練都有傾過，因為暑假要練多一倍水，而且將會在9月有3個比賽：「依家工作都係六、日多，要休息以外搵時間，難啲喇。因為之前休息唔夠而整傷頸，經歷一段時間知道方向，游水行先。」
王喜澄清冇貶義
提到王喜在社交網上載了一張的士收據照，並留言：「香港的士司機的算術 100-39.3=60」疑似暗指他搭的士時，司機找少7毫子，隨即事件引發廣泛討論。王喜被問到乘坐甚麼交通工具到場，他說：「港鐵呀，唔驚壞啦，有接駁巴士。」講到「的士算術」一事，他直言沒有想過一條減數會引起討論，又謂就算美國總統坐香港的士都要跟香港的士收費法律：「大家忽略兩點，香港的士收費係跟法律，就算唔係香港人坐，外國人坐都係要畀，但呢個唔係單向。第二乘客司機唔係僱主僱員關係，一條減數引發到大家關注。（點解今次會放上網？）我都係喺香港出世，大家都有遇過，每日都發生。」他又問在場記者這條數點計，他說：「冇啱定錯，『香港的士司機的算術』呢句句子邊個地方帶有貶義。（以後帶毫子畀錢？）要睇吓有冇。」
來源 source: http://hk.on.cc
|
鍾意就快D Share啦！
|
|
|