馮盈盈話港姐難做！
2017香港小港冠軍雷莊𠒇、亞軍何依婷、季軍黃瑋琦及2016香港小姐競選冠軍馮盈盈在佐敦出席領獎活動，馮盈盈更為雷莊𠒇戴上金鑽后冠。
叫雷莊𠒇留港磨練
受訪時，馮盈盈表示有留意雷莊𠒇近日受到網民的抨擊，她笑說：「其實睇到啲評論幾有親切感，因為好多鬧佢嘅說話上年我都承受過，好似一屆不如一屆，希望上屆連任，但經過一年之後，大家都開始了解、欣賞到我嘅好處，性格同真性情，依家嘅評論已經截然不同。有啲人仲叫我連任，唔會啦，港姐呢個位唔易做，相信風雨過後就會放晴。（有冇安慰雷莊𠒇？）尋日做完big big channel直播有一齊坐低食消夜偈傾，傾吓前途，佢都有話想去荷里活發展，有呢個目標當然好，個個都想去荷李活，但我同佢講可以留港喺多一陣磨練一吓先。」
撐港姐決賽有新元素
對於曾志偉以形容港姐決賽慘不忍睹，馮盈盈則不認同說：「當時睇都好精彩。（港姐決賽變成宣傳big big channel工具？）咁講唔正確，只係加入咗新元素，依家興網上直播，之前有聲音話港姐一成不變，今次可能係第一次，所以比較新鮮，有新元素加入係好事，唔使太介懷同以前唔同。」
來源 source: http://hk.on.cc
|
鍾意就快D Share啦！
|
|
|