網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月7日 星期四

五億女婿辛酸史 攞綜援住過劏房 黎諾懿:婚後都冇過得奢華 [壹週刊 - 1435] __,黎諾懿,M1,

囝囝「小春雞」出世後,黎諾懿一有時間就陪住妻兒,樂做湊仔公。娛頭五億女婿辛酸史 攞綜援住過劏房 黎諾懿:婚後都冇過得奢華「五億女婿」黎諾懿跟有米前港姐 ...






囝囝「小春雞」出世後,黎諾懿一有時間就陪住妻兒,樂做湊仔公。

娛頭

五億女婿辛酸史 攞綜援住過劏房 黎諾懿:婚後都冇過得奢華

「五億女婿」黎諾懿跟有米前港姐李潔瑩( Nicole)結婚三年,跟老婆身家差天共地,不過黎諾懿一直努力搵錢養家,跟屋企人投資車房外,又將升值的元朗近邊境千萬愛巢出售。今年升呢做老豆,在新劇擔正男一愈搵愈多的他,一家三口反而繼續住月租萬八的西貢村屋,擺明應使則使。

原來入行十五年,今年三十七歲的黎諾懿,曾經窮到要捱麵包住劏房,小學時黎父過身,一家人更一度要攞綜援過活,被揭入行發霉日子,他說:我從來唔會睇小自己。

貧富懸殊

黎諾懿在新劇《燦爛的外母》戀上太子女湯洛雯,但卻被準外母家燕姐不時出陰招搞破壞,現實黎諾懿好有外母緣,兒子「小春雞」未出世前,兩公婆經常被拍到跟外父外母食飯行街。但原來二人拍拖初期,黎諾懿得悉女友家底後,曾經想過分手。

「諾懿最初以為 Nicole(李潔瑩)係小康之家,點知去到女友豪宅屋企(君頤峰)嚇一跳,覺得兩個人貧富懸殊,仲諗過分手,當然之後覺得自己咁諗好傻。」身邊人透露。





4/9週日

準備開工的他,被問是否入行後窮到住過劏房,他承認並說當時是楊明幫他搵平竇。





當日黎諾懿兩公婆抱仔睇醫生,抱 B、餵水全程他負責,等候期間仲同另一個 B爸交流湊仔心得。





14年娶有米港姐李潔瑩,雖借外父百萬名車接新娘,但婚宴張單由佢找數。





12年在《愛.回家》當男一,爆騷又接廣告,搵到錢終於脫貧。

伊健方中信幫手

事業兩度起跌,初出道有翻版陳百強之稱的他,○三年被安排擔正暑期重頭劇《四葉草》男一,之後再欽點做奧運之星備受力捧,收入大增,篤信風水的他更搬去深井浪翠園屋苑。

○六年拍完《溏心風暴》後,據了解,黎諾懿有頗長一段日子發霉冇嘢撈,被迫三餐捱麵包租住 180呎劏房,老友鄭伊健、方中信期間亦有出手幫他搵工作,力薦給不同電影導演。





真假外母

現實中黎諾懿的外母,保養得宜又有型,同劇中的外母家燕姐兩類型。





外父曾在愛女婚宴力撐女婿黎諾懿,讚他為人踏實愛家庭。





初出道,黎諾懿與黃宗澤、林峯、馬國明及吳卓羲等,被大台選做奧運六星,大把搵錢騷,可惜當時年紀輕,不懂積穀防飢,之後在六子中最少機會的一個。





06年以男配拍《溏心風暴》,工作量唔多,有同事見過口袋只有幾十蚊的他,一日三餐捱麵包。





外父外母手持多個物業,其中在何文田君頤峰有兩個現市值過億的大單位。

棄銀行工入行捱麵包

投閒置散接近一年,有份參演的內地節目《舞動奇跡》出街,外間重新對他留意,工作量逐漸增加,之後捱到上男一拍《愛•回家》,收入穩定。與此同時,跟 Nicole拍拖,感情亦有着落。

「其實諾懿嘅經歷都幾辛酸,老豆好早唔喺度,佢三兄弟同媽咪住喺友愛邨,試過攞綜援,到佢出嚟做嘢,本來喺銀行做會計,人工好,點知佢一意孤行要去讀訓練班學做戲,無綫人工奀,因為咁同阿媽反面,有半年時間去咗朋友屋企做廳長,直至《四葉草》出街,母子先破冰。

「幾年前宣布同 Nicole結婚,啲人叫佢做五億駙馬,結婚上頭嗰晚,見到女家好多嫁妝,自己得幾樣嘢好大對比。但外父外母對佢有信心,反過嚟安慰佢,喺婚宴當晚,外父上台對住賓客為佢平反:『好多人話女婿黐我哋屋企,完全唔係!我亦好肯定佢俾到幸福我個女,我做生意,識睇人。』」知情者說。外父無跌眼鏡, Nicole口中有肩有腰的黎諾懿,一直擔起頭家。





最令老婆感動,是黎諾懿經常為她花心思,當日婚禮,他悉心安排影水底婚紗相,給老婆留下浪漫記念。





婚前黎諾懿買元朗邊境獨立屋樓花,之後見升幾十萬即轉手,投資好穩陣。





雖是千金港姐,但李潔瑩為人樸儉,婚前婚後都跟黎諾懿住在西貢村屋。





婚後的黎諾懿愈做愈旺,再當男一之餘,廣告、品牌活動不斷。

拍《溏心》身家得幾十蚊

有經歷才懂珍惜,做老豆五個月,黎諾懿不單經常將「小春雞」掛在口,更落手落腳做湊仔公。

週日(九月三日),中午,本刊求證他住過劏房一事,他坦承:「讀訓練班係辛苦啲,不過好快過咗,拍《溏心》時係住過紅磡劏房,楊明幫我搵嘅,大約三千幾蚊。我好彩夠生活,未試過借錢,最多一日三餐食麵包,後來拍咗《愛.回家》,生活舒服啲。(做五億駙馬係咪好有壓力?)最緊要係爹哋媽咪知我做緊咩,結咗婚,我生活唔奢侈,好踏實。(會唔會跟外父學做生意?)唔會!」黎諾懿其後再強調:「我從來唔會睇小自己。」

捱過窮,如今有幸福家室,又企穩男一,終於進入人生勝利組。





雖在大台經歷過少工開,捱窮的日子,但黎諾懿見證友情,好友鄭伊健同方中信曾幫他推薦給導演。





初出道時他以男一身份拍青春劇《四葉草》,更被指樣貌似陳百強,可惜後勁不繼,等了十年才再有機會擔正,企穩小生位。





一一年他在湖南衞視節目《舞動奇跡》爭氣贏了冠軍,成為事業轉捩點。

大哥在 3M做科研 創冇痕掛勾

兒時喪父的黎諾懿,在屯門友愛邨長大,一家曾靠綜援生活,之後黎母做清潔工人辛苦帶大三個仔,黎諾懿三兄弟為脫貧努力拚搏。據悉其兄黎亮昇讀書叻,以獎學金完成在科大的雙碩士學位,之後在大集團 3M做科研。據了解師奶 like爆的王牌家品「冇痕掛勾」及「全效抹布」,是黎諾懿大哥的得意之作。

脫貧後,黎諾懿數年前同兩兄弟合資開車房,原來是為讀汽車維修的胞弟,他曾說:「我同阿哥想支持佢,所以三兄弟夾份開間汽車維修公司,主力係細佬打理,有錢齊齊搵。」

有米老婆 Nicole 佢俾到我安全感





今年四月兒子「小春雞」出世, Family黎諾懿經常開心些牙湊仔片。

父母擁有億萬美容王國,含住金鎖匙出世的黎諾懿老婆李潔瑩( Nicole),與另一半背景懸殊,卻無損婚後做幸福人妻。 Nicole說:「我成日話一個男人有冇好老公的潛質,就係睇佢有冇將你放在第一位,佢做到,呢方面佢攞滿分。

有年生日,我搞 BBQ Party,佢燒好晒嘢食俾我同啲朋友,令到大家好開心,之後我的 Friend話:『你個男友冇得頂,好識照顧人。』呢樣我係好感動。」

12年才正式攀上男一,當時搵錢唔多的黎諾懿慳自己,都要將伴侶照顧得妥妥當當。「每次家庭或朋友聚會,佢一定爭住埋單,個人好大方,反而佢對自己好節儉,有時幫佢買吓內衣衫褲,佢就話:『唔好買咁貴,我著佐丹奴都好開心。』有日佢可以大富大貴係 bonus,但佢唔會餓死我,佢一直俾到我安全感。」

李潔瑩稱她的父母好開明,從不干預女兒一切,加上眼見她找到幸福,對黎諾懿這個有骨氣女婿,她說:「呢幾年相處知道佢為人,父母好錫佢。」

型爆外母

現實中,黎諾懿有個型爆的燦爛外母 Elaine,既是幫老公打理美容王國的本事女人,打扮作風亦相當潮。外父外母愛揸辣跑,二人是保時捷跑車的會員,近日便與一班「波子」發燒友到西班牙駕着「波子」環島遊。

黎諾懿的外父外母持有美容王國「儷凝美聚」外,更擁有 15間公司及過億物業,黎諾懿老婆娘家何文田豪宅君頤峰, 07年以七千多萬買入一個複式及一個千呎單位,其中複式單位近年已升至過億,外父外母還持有多個工廈及商廈物業。不靠老婆娘家的黎諾懿,婚後仍租住西貢村屋。

出道似陳百強 試音輸俾黃宗澤





當年他跟黃宗澤齊齊去試音,最後唱片公司揀了後者。

初出道時的黎諾懿,一直被指有陳百強影子。據知,當時無綫希望旗下藝人能歌、視兩棲發展,故安排他與黃宗澤到環球唱片及東亞唱片試音。黎諾懿外形夠晒,可惜歌藝麻麻,連他私下亦笑自己五音不全,在各種因素下,最後由一心想做歌手的黃宗澤跑出,成為東亞唱片 08年的新人,並推出首張 EP《 In Love With Bosco》。

撰文、攝影、攝錄:娛樂組


鍾意就快D Share啦!