網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月7日 星期四

日踩 18粒鐘  29歲趙勁皓擁 6間鋪 [壹週刊 - 1435] __,趙勁皓,M1,

探熱針日踩18粒鐘 29歲趙勁皓擁6間鋪大隻仔趙勁皓(King)今年雙喜臨門,三月女兒踢踢(趙安嵐)出世,年底跟DaDa(盧頌之)到日本旅行結婚。現年 ...






探熱針

日踩 18粒鐘  29歲趙勁皓擁 6間鋪

大隻仔趙勁皓( King)今年雙喜臨門,三月女兒踢踢(趙安嵐)出世,年底跟 Da Da(盧頌之)到日本旅行結婚。現年 29歲的他,早已經擁有四間食肆兩間健身中心,去年底在葵涌開業的漢堡包店,因抽風系統出現問題被迫結業, King隨即在銅鑼灣搵地方再開。自認是工作狂試過日踩十八粒鐘的他,為了兼顧做個好老豆,半夜回家都堅持湊女換尿片。

半夜返屋企湊女 著住三角底晾衫







為養家早出晚歸的阿 King,返到屋企著住三角底幫老婆 Da Da做家務。





每晚堅持為個女餵奶、沖涼、換片,爭取親子樂。

年中無休

中大畢業的趙勁皓,大學生時代已經開始半工讀,教健身做籃球教練,夜晚再返夜店做 bar tender,做生意經驗豐富,就算四年前入行做藝人出寫真, King依然不離老本行。

除準備即將在銅纙灣開業的西餐廳外,投資的還包括兩間 King's Fitness健身中心和跟陳柏宇夾份開的酒吧、以及「北京老家」等三間食肆,由於 King喜歡落手落腳做埋營運,所以 Da Da最初誕下女兒「踢踢」,第一次做媽咪壓力大, King被老婆投訴太少時間放屋企。

「以前我生活唔悶得,會有三至四晚喺酒吧,幫手營運同招呼客人,幾乎年中無休,冇乜去旅行,「而家除咗拍嘢,冇晒夜生活,俾多啲時間屋企」,星期日一定放假陪 BB,係 family day。 Da Da生踢踢無耐,會 share好多做好爸爸嘅文章俾我,所以而家就算點忙,每日都會幫 BB換一次片,堅持做爸爸責任。試過六點開工拍嘢,半夜返到屋企,我都會餵奶。」 King說。





身兼幾瓣生意,深明力不到不為財的阿 King,當晚抽空返開張不久的食店「小龍坎」巡鋪兼埋數,忙數銀紙。





與陳柏宇合資的四川麻辣火鍋「小龍坎」,早前傳有冒牌之嫌,及後他們澄清,表明是取得這個內地品牌其中一個分支的特許經營權。





年前在尖沙咀開「北京老家」,目前已經有兩間分店。





開酒吧,一班老友周志文、羅孝勇及應昌佑等都來撐場。





結業

去年底,阿 King與陳柏宇夾份開的漢堡包店,因場地抽風問題被迫結業,但無阻他們搞飲食王國的雄心。

不再大男人

趙勁皓做慣決策,跟 Da Da共同生活組織家庭後,不再是大男人,家內事情由老婆話事,他則負責對外工作,至於女兒學業,兩個都十分着緊,主張十三歲送踢踢出外讀書,他早已經買了一份教育基金,待女兒半歲,他又買多一份人壽保險。

「我唔係出生於富裕家庭,起步比人慢,要付出努力比其他人多,而家做咁多嘢,都係想自己下一代唔使咁辛苦。我希望佢夠錢去外國讀書,拍戲時同輝哥(張兆輝)傾偈,佢都話小朋友十三歲語文吸收能力仲係好強,有一定中文基礎先送去外國,等佢哋有獨立能力,又有一個好環境學英文。」 King好有計劃。

榮升老豆,不再一味衝的趙勁皓覺得是時候回饋社會:「我好慶幸自己有少少成績,所以參與多咗慈善,早排捐咗錢俾母校,整咗間健身房,希望可以回饋社會。」





阿 King孭住六間鋪,近日仲拍埋劇,與黃宗澤及張兆輝拍大台劇《飛虎極戰》。





阿 King有兩間健身中心,一間招待成人,另一間是小朋友 gym room。





是健身教練的他,早前在健身比賽「 Hkfbf Men Physique 180above」贏得冠軍,完賽後他第一時間擁吻到場打氣的老婆 DaDa。

A&F紅褲仔跑出

身為老闆,又是人父的阿 King(趙勁皓),早年為香港籃球聯賽男子甲一組隊伍香港遊樂場協會籃球隊的前鋒,之後轉投超敏籃球隊。

不過他並非因此打出名堂,而是憑「肌」出位, 12年 A&F香港分店開張,他獲選為香港代表,與一眾外地男模,一身爆肌配激凸紅褲仔備受矚目。隨即被睇中踩入娛圈,做周秀娜師弟,跟 Dominic(何浩文)同期出道。

「肌」不可失, 13年食住個勢出寫真,以性感人魚線為旗號做爆肌男神,吸引唔少粉絲,更因此獲封為「爆肌柯震東」。之後跟師姐周秀娜在電影《兜售回憶》連場激吻肉搏。

肌肉發達又有腦的阿 King,不單只以 Body吸客開健身中心,近年在商界狂發力,生意瓣數多,年輕商家形象比當年爆肌男神更為突出。





A&F活動





寫真





與師姐周秀娜

撰文、攝影、攝錄:娛樂組


鍾意就快D Share啦!