網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月9日 星期四

揀鑽石籌款拍賣關心妍望開音樂治療中心 [壹週刊 - 1444] __,關心妍,M1,

探熱針揀鑽石籌款拍賣關心妍望開音樂治療中心關心妍去年誕下囡囡楊榮心(Jovia)後做全職媽咪,一直未有復出打算,但近日她為情緒及抑鬱病者,甘願動身。成 ...






探熱針

揀鑽石籌款拍賣關心妍望開音樂治療中心

關心妍去年誕下囡囡楊榮心( Jovia)後做全職媽咪,一直未有復出打算,但近日她為情緒及抑鬱病者,甘願動身。成立了「妍亮生命慈善基金會」的她,眼見近年青少年或患情緒病自殺的個案大增,決做關注工作,於十二月舉行慈善籌款晚宴,希望籌到三至四百萬資源費,開音樂治療中心,做埋導師,幫助情緒病人找到出路。

朋友捐紅酒名畫

上週四(二日),關心妍在老公楊長智陪同下到中環揀鑽石,勿以為她揀禮物自用,其實是為十二月的慈善籌款晚宴揀拍賣品。原來為人母的她,對近年連接有學生自殺個案觸動心情,決放低全職媽咪生活,做關注情緒病、抑鬱症者的工作。

由找演藝界朋友為慈善活動呼籲,到搵贊助商,阿 Jade一腳踢。當日獲鑽石集團的支持,阿 Jade說:「我戴住呢隻耳環及一條頸鏈會喺當晚拎出來拍賣,到時都搵咗專業拍賣官,我都希望可以拍賣到一個好好嘅數字。」

除有鑽石商贊助拍賣,為慈善碌盡人情咭的她,亦得朋友捐出名貴紅酒和名畫等,阿 Jade統籌之餘,亦做當晚其中一位表演嘉賓,不過一個人的力量有限,她還需要二十個天使援手。「我需要 recruit二十位天使陪我一齊做呢個表演,呢個月會揀二十個朋友,希望佢哋可以報名捐錢,一齊去鼓勵情緒抑鬱嘅朋友。」





楊長智一向錫老婆, Jade為慈善復出搞晚宴,他出錢又出力。





利興集團贊助了一對鑽石耳環及鑽石頸鏈給 Jade作慈善拍賣。

助年輕人找方向

去年「妍亮生命慈善基金會」成功獲政府發「非牟利慈善團體牌照」,一直以關注邊青及有困難、低收入家庭的年輕人為主,直到近年發現多宗因情緒病而衍生的悲劇發生,極其心痛的 Jade不想袖手旁觀,故決定為幫助別人「復出」!

「近排見到社會好多不幸事件,好多悲劇,決定同另一機構「全康澄心」一齊喺十二月搞一個「妍亮生命重新站起來」慈善晚宴,希望可以幫助到一啲患上抑鬱、情緒病嘅朋友、邊青同學生,希望佢哋可以重新企番起身。」

Jade感激演藝界朋友幫忙呼籲,希望屆時可籌到三至四百萬元增設資源,開設音樂治療中心,是她的終極目標。她說:「我哋希望除咗輔導中心之外,可以開一個音樂治療中心,到時我可以幫手教埋,讓年輕人佢哋可以搵到一個新方向,唔使成日喺度鑽牛角尖,選擇輕生。





Jade抽時間到珠寶店,為慈善晚宴揀拍賣品,她感激老闆的善心。





女兒 Jovia一歲多,生女後的 Jade都好享受做全職媽咪。





多年來不斷做慈善工作的 Jade,一二年獲選為香港十大傑出青年。





早前, Jade到山頂明德醫院出席慈善抬轎活動。

撰文:攝影:娛樂組 


鍾意就快D Share啦!