網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月3日 星期五

【我老公係發哥(5)】日付發哥幾百蚊零用 買樓興一炮過俾晒錢 __,發哥,周潤發,

生涯規劃:你每日有幾錢零用?劉鳴煒教大家,要識得犧牲。犧牲去日本玩,犧牲換新電話,犧牲唱K嘅錢,每月儲三千蚊當儲首期,就會上到樓。但佢上月又話:「年輕 ...




生涯規劃:你每日有幾錢零用?

劉鳴煒教大家,要識得犧牲。犧牲去日本玩,犧牲換新電話,犧牲唱K嘅錢,每月儲三千蚊當儲首期,就會上到樓。但佢上月又話:「年輕人廿幾萬蚊學債、萬一蚊人工,打一百年工都買唔到樓,有幾難理解呢?」嗯嗯。

究竟月儲三千蚊買唔買到樓?

不如問下每日得幾百蚊零用喺香港生唔生存到。

人辦有發哥周潤發,佢每日真係得幾嚿水零用,但佢買到樓,而且,仲有個習慣,就係一炮過俾晒。

因為,為發哥掌管財政大權嘅,係佢經理人兼賢妻:發嫂。

婚後,發哥的財政大權由發嫂hold,她老定地說:「係,應該咁講,冇否認。」聽聞係每日幾百蚊喎,夠使咩?「夠使嘅!但依家升值咗!」升幾多?「總言之升值咗。」加十蚊都係升值咗喎!

發哥係國際巨星,即使不喜應酬,但總會有需要social嘅時候。幾百蚊,咁請人食飯咁點算?發嫂同你講:「佢係一個好簡單嘅人,佢唔買嘢嘅,除非佢真係要買。」買乜嘢?講到呢度,發嫂已經忍唔住爆笑:「嗰個好笑喇,除非佢要買禮物,就係我生日,肯定知嗰個價值幾多,因為係簽credit card 㗎嘛,咁我要過目,咁係咪穿咗煲?個禮物嘅錢。」

咁仲邊有驚喜呀?冷靜啲先,月結單係月底先結數㗎嘛,所以發哥唔可以早過一個月之前買生日禮物俾發嫂喇。

講完月使幾多,就講下收成——係,係買樓。根據物業買賣紀錄,發哥與發嫂以聯名公司「藝才製作有限公司」的名義,分別於2010年、12年及14年,以一個380萬及兩個450萬購入合共3個單位。呢個只係一部份。

聽聞,係聽聞,發嫂買樓,鍾意All Cash俾晒,唔鍾意供樓。發嫂聞言,謙遜地謂:「盡力係。」點解?因為唔鍾意問銀行借錢?「可能有某……譬如會問一啲……但at the end of the day我都係攞Cash㗎喇。」一個字:型。

發嫂掌管財政,亦精於投資,理由得一個:「呢個係咁多年好辛苦賺返嚟嘅錢,血汗錢嚟。咁我又重複啦,我做乜嘢,係以佢(當然係發哥)為主。總言之我投資,呢個嘢,我覺OK。我做好多research咗先,回報返嚟,起碼都average啦。我會覺得我要負責,去交代畀佢就係,你嘅錢。因為我哋兩個好慳。」不斷增長唔係負增長?「係喇,應該咁講啦,唔會去亂用啦。」

問發嫂最大單投資賺咗幾錢?她想了想,鼓埋泡腮,沉思幾秒——計緊幾多個零?唔係。「嘩,唔好講呢啲嘢啩!」

結論係,發哥買到樓,唔係因為慳,而係因為有發嫂。

採訪:陳月媚、倩宜

攝錄:卓振輝、廖達燊、吉吉

攝影:郭賢興、陳順禎

協力:林德雄

髮型:Byron Ho、Louis

化妝:Fiona To

場地提供:香港嘉里酒店

「我老公係發哥」:《蘋果》娛樂即時 X「娛果——蘋果娛樂」,10月30日起,逢周一至五刊登。

【我老公係發哥(1)】懷孕十個月女兒胎死腹中 發嫂堅持順產:我點都要經過呢個過程

http://bit.ly/2xybbWp

【我老公係發哥(2)】「我個女死咗喇!」發嫂冇坐月:發哥即刻帶我離港

http://bit.ly/2ie4zpq

【我老公係發哥(3)】發嫂爆發哥追女手法 日日寄PostCard晚晚追魂Call

http://bit.ly/2xEQAzu

【我老公係發哥(4)】結婚係驚喜 發哥曾表明:你要記住,我唔會娶你㗎!

http://bit.ly/2z52aFO

更多娛聞,喺晒《娛果》

http://fb.com/appledailyent



發嫂冇否認,發哥真係幾百蚊夠過一日。(資料圖片) (資料圖片)
有金銀限制,發哥每年準備發嫂生日都要喺一個月內準備,因為卡數會露玄機。(資料圖片)

鍾意就快D Share啦!