大台一年一度嘅節目巡禮今晚喺灣仔舉行，全台演員都有現身出席活動，唔少女星性感上陣，希望吸引廣告商嘅目光！今晚仲有公佈明年會播映嘅劇集，明年大台將有13套劇集推出，當中有3套係合拍劇，分別有：《再創世紀》、《宮心計2之深宮計》與及《十兄弟》。綜藝節目方面，將會製作11套節目，香港先生競選將會喺明年復辦。
否認婚變嘅王浩信同陳自瑤今晚亦有現活動，但係佢哋兩個前後腳出現，陳自瑤狀態大勇，性感deep v勁吸睛，問到Yoyo事前有冇問過老公，佢話：「老公俾我好大嘅自由度，唔會理我著啲乜嘢衫。」再問佢傳婚變一事，佢話：「之前唔得閒理會，阿女要返學，O依家阿又等緊派學校，老公已經解釋咗！」佢又話老公喺馬來西亞拎完視帝之後，飛咗去英國拍劇，唯有靠SEND短訊，至於會唔會睇好老公拎埋香港嘅視帝，佢話：「我一定支持，但係今年啲對手都好勁，所以隨緣喇，我知佢做嘢辛苦，會煲湯慰勞吓佢！」
王浩信就同樂小姐一齊到，佢哋兩個企埋一邊密密斟，王浩信話已經同咗屋企人慶祝，香港有冇信心攞獎就隨喇！佢仲話：「嚟緊阿女會第二次面試，我已經請咗假陪佢，我自己冇乜特別準備，只係希望阿女可以享受校園生活。」
更多娛聞，喺晒《娛果》
http://fb.com/appledailyent
| 陳自瑤打扮係索！ | | |
| |
來源 source: http://hk.apple.nextmedia.com
|
鍾意就快D Share啦！
|
|
|