掃呢頁CODE去手機

2017年11月9日 星期四

粉絲通宵搶飛 阿刨感動:觀眾仲記得我 __,阿刨,龍劍笙,

阿刨今次返港再踏台板,即刻掀起撲飛潮。粵劇名伶龍劍笙(阿刨)於年底至來年年初在港演出粵劇戲寶《牡丹亭驚夢》,更分別在尖沙咀文化中心和理工大學賽馬會綜藝 ...


阿刨今次返港再踏台板,即刻掀起撲飛潮。


粵劇名伶龍劍笙(阿刨)於年底至來年年初在港演出粵劇戲寶《牡丹亭驚夢》,更分別在尖沙咀文化中心和理工大學賽馬會綜藝館兩個地點各演十場,令一眾戲迷瘋狂。自日前眾大老倌在記者會亮相後,全球戲迷對他們的演出更加引頸期盼,為了搶購門票,不少粉絲昨晚已經擔定櫈仔在屯門票站排隊,準備通宵等待今朝十點開始的公開發售,更有餓戲已久的「刨迷」全家總動員搞排隊接力賽,帶定被鋪在開售點輪流守候五日,認真犀利!

對此,新娛國際負責人丘亞葵(Vigo)直言感動:「我短訊咗張排隊相畀阿刨,佢都話好感動,估唔到咁多年嚟觀眾都仲記得佢。粵劇嚟講呢個情況真係好少見,以前搞演唱會就試過咁,所以阿刨嘅魅力真係冇得頂!(勁過預期好多?)一開始真係冇諗過反應會咁大,一來可能係因為阿刨兩年幾冇返香港演出,二來係阿刨做嘅《牡丹亭驚夢》冇任何影音紀錄留存,唔入場就冇得睇。」問會否趁勢加場,他就指場地檔期所限沒法再加:「得呢廿場!(下年再搞?)一直都想繼續搞,但最緊要係阿刨嘅決定。」


來源 source: http://hk.on.cc
鍾意就快D Share啦!