掃呢頁CODE去手機

2017年12月28日 星期四

【肉體關係咋...】陳敏之死纏唐文龍 李司棋狂摑:點解要做到咁賤 __,李司棋,陳敏之,敏之,唐文龍,

無綫台慶劇《溏心風暴3》今晚喺將會播映第24集,劇集發展到陳敏之話係自己勾引唐文龍,跟住陳敏之走去跳海自殺,好彩最後俾細佬王浩信同舅父黃宗澤救番!敏之 ...




無綫台慶劇《溏心風暴3》今晚喺將會播映第24集,劇集發展到陳敏之話係自己勾引唐文龍,跟住陳敏之走去跳海自殺,好彩最後俾細佬王浩信同舅父黃宗澤救番!敏之醒咗之後,睇見屋企人親手摺俾佢嘅心心同寫嘅心意咭,即刻感動到喊咗出嚟!

不過催淚位原來唔止得呢個,下個禮拜嘅劇情終於到「火姐」司棋姐出場,最初大家都以為敏之可以重新出發,點知當佢知道胡琳嘅專欄話同唐文龍分開咗,敏之即刻以為自己有希望,於是又周圍去搵唐文龍。李司棋同夏雨知道之後,揸車去搵敏之,結果喺護老院門口見到敏之,嗰陣係唐文龍決心斬纜,但係敏之唔肯,胡琳見到之後,好嬲咁鬧敏之,話佢老公親口同佢講,只係鍾意佢嘅肉體,不過陳敏之都冇理,依然要死纏!

司棋姐好心痛見到個女咁樣作賤自己,二話不說咁剷爆敏之,兜巴摑之餘,仲要狂鬧個女,叫佢去做雞,點解要做到咁賤,句句說話都鬧得恨。轉個頭又因為細佬黃宗澤「勾義嫂」,搞到司棋姐要跪地求黑幫大佬放過細佬,最後仲要一個人隊晒一支茅台,認真慘情!

雖然呢套劇喺收視方面依然冇乜顯著進展,但係唔少網民睇完之後,留言讚司棋姐好戲,敏之嗰場戲亦都好催淚,敏之今日接受傳媒訪問,睇見啲觀眾留言,個個睇完之後都忍唔住喊,佢話自己都覺得好感動,但係佢都希望大家可以直接睇直播!

講到同司棋姐嗰場戲,佢話:「其實我係求媽媽(司棋姐)直接打,叫佢唔使錫住我,最初佢唔肯㗎,不過喫得佢幾次,埋位嗰陣就直接打,成場戲一take過搞掂,嗰日天氣都麻麻,拍完之後個天仲行雷,諗番好似連個天都好幫手!」敏之仲話除咗呢場之外,佢都好鍾意喺醫院嗰場戲,佢話:「其實我好鍾意嗰啲屋企人嘅戲,可能係我自己都做咗人哋媽咪,無論發生乜嘢事,做父母嘅,一定係支持自己啲仔女。」

更多娛聞,喺晒《娛果》

http://fb.com/appledailyent

(網上截圖) (網上截圖) 陳敏之知道唐文龍離婚,諗住走去求復合。(網上截圖)
(網上截圖) 敏之話叫司棋姐唔使留力!(網上截圖) (網上截圖)
(網上截圖) (網上截圖) 睇嚟呢場戲又有催淚位!(網上截圖)
(網上截圖) 呢頭搞完個女,轉頭又俾黃宗澤連累!(網上截圖) 黃宗澤勾義嫂出事!(網上截圖)
(網上截圖) 李司棋為咗細佬向黑幫大佬跪地求饒!(網上截圖) (網上截圖)

鍾意就快D Share啦!