講起「大少」林建名，其中一樣出名一定係佢旗下嘅大名娛樂，除咗製作過好多大大小小演唱會之外，仲捧過唔少女星。首推係同大少傳過爺孫戀嘅何傲兒，喺2014年7月，傳出何傲兒與比佢大51年嘅大少譜爺孫戀，兩人依偎睇陳慧嫻演唱會，有傳此舉令兩人戀情浮面，但大少指何傲兒後來唔接自己電話，加上佢同周子揚嘅緋聞，令大少傷心（新聞連結： http://bit.ly/2DYRxq5 ）。翌年，何傲兒離開無綫，正式簽約大名娛樂，仲喺記者會上收四卡鑽石（新聞連結： http://bit.ly/2BGNL2V ），到舊年4月，大少同何傲兒更上埋契，由爺孫改為契父女（新聞連結： http://bit.ly/2l7iRdX ）。
另一位大名紅人，就係大少另一名契女戴夢夢，戴夢夢喺14年同大少上契，當時仲有大名另一名藝人劉凱欣一齊上契，戴夢夢轉去幕後做經理人，都獲大少支持。雖然戴夢夢近年都係拍拖新聞多，但都仲會見到佢陪契爺出入，或者去吓睇演唱會咁。
而大少簽藝人嘅口味，其實都有路可捉，好似佢曾經簽過身材勁搶眼嘅趙碩之同尹蓁晞等人，其中趙碩之喺13年表示遭大名單方面續約5年，若解約要賠40萬，大少曾公開表示為呢件事好嬲，後來放生趙碩之。至於尹蓁晞則有傳掛住拍拖又甩底唔接job，大少曾指咁嘅做法唔多好。
更多娛聞，喺晒《娛果》
http://fb.com/appledailyent
| （資料圖片） | | |
| | | |
| |
來源 source: http://hk.entertainment.appledaily.com
|
鍾意就快D Share啦！
|
|
|
