掃呢頁CODE去手機

2018年1月11日 星期四

唐詩詠民心贏宣萱王浩信洗底禁女埋身 [壹週刊 - 1453] __,王浩信,唐詩詠,詩詠,宣萱,M1,

視帝視后大熱探熱針唐詩詠民心贏宣萱王浩信洗底禁女埋身今年TVB《萬千星輝頒獎禮》,因為要遷就《溏心風暴3》,延至一月底才舉行,但該劇唔爭氣,主角跑唔出 ...






視帝視后大熱

探熱針

唐詩詠民心贏宣萱王浩信洗底禁女埋身

今年 TVB《萬千星輝頒獎禮》,因為要遷就《溏心風暴 3》,延至一月底才舉行,但該劇唔爭氣,主角跑唔出。至今頂頭大熱反而是王浩信和唐詩詠,二人之前已成為民選視帝視后,民心先贏一仗,向來低調的唐詩詠明言想爭獎,而王浩信為穩奪視帝更禁女埋身,同時出動妻女拉票,戰鬥格!







無綫高層余詠珊、曾勵珍、樂易玲及杜之克各自有視帝視后人選,不過,《不懂撒嬌的女人》是杜之克的傑作,所以唐詩詠亦被睇高一線。





去年底,《 Yahoo!搜尋人氣大獎 2017》上,由網民投票選的電視男、女藝人是王浩信與唐詩詠。





雖然未到頒獎禮,但誰是視帝視后已在各大討論區熱論中,一向深得網民支持的唐詩詠,繼續得到愛戴,力推她成為今年視后。

網民鼓勵去爭獎

今屆視帝屬馬國明和王浩信之爭,但視后相對競爭激烈得多,雖然李佳芯及宣萱先後在新加坡及馬來西亞封后,但講到民心所向,一定是早前獲網民公投為視后的唐詩詠。

「《不懂撒嬌的女人》係杜之克負責,佢一定幫手爭視后,雖然宣萱嘅 Mall姐幾好反應,但始終唔及 Natalie(唐詩詠)個角色咁得民心,今屆頒獎禮除咗 TVB評委投票之外,亦有一定比重嘅全民投票,相信佢會幫 Natalie揮個獎。」大台中人表示。

本來唐詩詠對視后之爭不太上心,但被封為「民選視后」後便改變看法。

「呢個獎係全民投票,有一定意義及代表性,令我覺得要投入『爭吓』獎,我都要對自己有交代,亦不想令外界失望,我打算投票給自己。」唐詩詠說。





同朋友 high tea後,唐詩詠轉場到有份投資的餅店坐鎮,其間有不少人找她合照。





唐詩詠約了朋友在中環 IFC high tea,心情大好。





她親自落場 sell客,連小朋友亦要求合照。





唐詩詠曾報讀詹瑞文前妻甄詠蓓教授的演技班,當日她亦有出席茶敍。





%宣萱演技早獲肯定,不過不是無綫親生女的她,奪獎機會不及親生女唐詩詠。





王浩信與唐詩詠在《不懂撒嬌的女人》中演出令人印象深刻,加上劇集大受歡迎,令二人的人氣急升。

謝師請甄詠蓓歎茶





王浩信與陳自瑤早前傳出婚變,二人為此分別解畫。最近 YoYo在「色字頭上一把刀」旁拍照,不知是否對老公的忠告?

雖然努力爭取,但近日唐詩詠亦盡量抽空去自己投資的餅店巡鋪,同時不忘「謝師」,事關她演技脫胎換骨,戲劇老師甄詠蓓有功勞。日前二人便跟友人一起茶敍,其間唐詩詠對甄詠蓓特別恭敬,非常尊重老師。

恨攞獎搵妻女拉票

至於之前憑《踩過界》,在新加坡奪視帝的王浩信,早前同樣獲選為民選視帝,成為視帝大熱。恨攞獎到出面,他明言要為視帝之獎拉票,落區謝票、表演食炭亦在所不惜。他說:「盡量請老婆拉票,不過最近好忙,又要陪個女面試學校,考慮搵阿女叫同學來拉票。」





劇接劇的王浩信,正趕拍《兄弟》一劇。





不用埋位時,王浩信選擇與許家傑及陳志健吹水,全程遠離女拍檔。





在東涌拍街景,王浩信跟女對手楊埕、陳庭欣等都有傾吓偈。

見光死遠離女拍檔

近日跟陳庭欣、江嘉敏和楊埕拍新劇《兄弟》,王浩信「玩」得十分小心。上週三晚(三日),他同三位靚女在東涌拍街景,由於現場燈光昏暗又少途人,他黐實楊埕,雞啄唔斷。

之後轉到機場取景,由於人來人往,他寧願去男人堆變絕緣體,禁三個女拍檔埋身,十分保險。「之前黃日華提醒過 Vincent(王浩信),如果想紅就要愛惜家庭,佢都知自己太貪玩,所以依家補鑊,老婆所有 post佢都俾 like,又刻意陪多啲屋企人,頒獎禮臨近,更加不容有失。」知情者說。





陳豪在《誇世代》中表現突出,是視帝的黑馬人選。





馬國明在《降魔的》中飾演的士司機入型入格,得到不少網民支持。





王浩信憑《踩過界》角逐視帝,飾演盲探,得到不少網民激讚演技大躍進。

《四葉草》重組

繼港台、商台都玩懷舊,早前搵陳奕迅、謝霆鋒同郭富城做特別表演嘉賓,在大騷又唱又跳,令大家睇得好開心。無綫眼見《 2017勁歌金曲頒獎禮》創新低,錄得 12.7收視率,又即時跟風玩集體回憶,搵舊人上台做嘉賓。

據知今年頒發「飛躍大獎」,就玩重組,請來 2003年播出第一集青春劇《四葉草》演員,包括傅嘉莉、黎諾懿、姚子羚和唐詩詠做頒獎嘉賓。

「佢哋幾個都係第一代四葉仔四葉女,相隔咁多年,都升晒呢做埋男、女主角,發展算係好唔錯,搵佢哋上台頒獎都叫有代表性。」雖然擺明係抄橋,不過橋唔怕舊,最緊要係人有我有,唔蝕底。





女左 3.傅嘉莉,左 4姚子羚,左.5唐詩詠





03年播的《當四葉草碰上劍尖時》,是無綫當年力推的青春偶像劇。





謝霆鋒





叱咤請到謝霆鋒與陳奕迅現身,唱出那些年大家愛過的歌,即成熱話!





今年無綫舉行的《十大勁歌金曲頒獎禮》,收視率不足十三點,創出新低。





香港電台找來天王郭富城坐鎮,成功搶到話題。

撰文:娛樂組 

攝影:志輝、潮鍾、李玄


鍾意就快D Share啦!