作為打機女神， Kelly搵來混血型男教路玩航拍，二人搞足半粒鐘終於起機成功。
探熱針
「爆粗女神」夠貼地，張曦雯陪混血男玩飛機
27歲前華姐冠軍張曦雯（ Kelly）早前因直播素顏爆粗打機，夠晒貼地，被宅男熱捧為「打機女神」，加埋火辣身材及無敵長腿，因此極速上位成為「無綫小花」，事業升呢連帶桃花亦旺盛。
日前張曦雯一身運動 look帶埋愛犬現身數碼數公園放電，同行有媽咪之餘，還有一位混血型男全程陪伴，其間二人更糖黐豆齊齊玩航拍，好 sweet！
型男陪放狗
擁 33C火辣上圍的張曦雯早前率先奉行公司「限奶令」，飛到澳洲為旅遊節目《 3日 2夜》拍攝「潔淨版」，雖然節目中只能以三點式泳衣打底，外面要加潛水衣，但有靚女張曦雯陪觀眾欣賞日落，已經夠吸引！
工作做到冇停手，難得有假期，張曦雯當然爭取時間陪屋企人同愛犬，呢日著住運動外套加貼身 leggings的 Kelly，將四十二吋長腿表露無遺，她就帶住愛犬 Kira現身數碼港公園放電，同行有媽咪外，還有一位高大混血型男陪伴在側， Kelly一去到就好似小朋友咁同愛犬追逐兼玩到踎晒地，其間 Kelly又主動撩其他狗仔玩，跑到攰 Kelly就將愛犬交俾媽咪照顧，自己就同混血型男行埋一角邊傾邊玩航拍機，起初 Kelly對住部航拍搞唔掂，男方就耐心地解釋，兩人頭貼頭研究一番後，終於起機成功！玩足成個晏晝，離開時 Kelly同型男刻意保持距離， Kelly先行拖住愛犬去攞車，而男方就負責照顧 Kelly屋企人，非常貼心！
自稱單身
張曦雯身邊男伴團團轉，話晒有樣有身材，當然不乏追求者，當《壹》仔問到陪她放狗的混血型男是否其男友時， Kelly就透過短信表示：「對方係識咗好耐嘅朋友，我依家單身嘅！」再問到會否和對方有發展機會？「應該冇可能，自己對所有 tech嘅嘢都好有興趣，啱啱買咗部航拍唔識玩，所以就搵佢教我！」
美國放假
上位成為「無綫小花」，開始被公司力捧，去年張曦文終於升格拍劇做女一，接騷亦都接唔停手，最近她終於有時間放假和家人去美國旅行抖吓氣，悠長假期過後再搏殺。
「嚟緊 Kelly放完假返嚟就即刻會拍新劇《白色強人》，今次佢做醫生個角色好有發揮，仲會同郭晉安有多場對手戲！」知情人士透露。
專吼 ABC
美國回流返港的張曦雯，鬼妹仔性格，一向鍾情 ABC的她，入行以來的緋聞男友全部都係外國長大，鬼聲鬼氣，特別啱嘴型。
徐肇平（黃淑儀兒子）
於加拿大長大，其後回流返港的徐肇平，外形不錯， 14年加入大台，被安排到明珠台主持《港生活•港享受》時，與鬼妹仔張曦雯撻着，去年，二人被拍到齊齊出席活動後，前後腳返女方屋企玩煮飯仔。
翻版林奕匡 Daniel
去年被拍到與一位德國、越南混血兒 Daniel Lilischkies出入香閨，有米 Daniel家族從事遊艇買賣生意，又被指是「翻版林奕匡」，曾與莊思明拍過拖。
撰文、攝影：娛樂組
|
鍾意就快D Share啦！
|
|
|
