掃呢頁CODE去手機

2018年1月25日 星期四

利用陳自瑤攞視帝 偷食王王浩信 暗搞𡃁妹江嘉 [壹週刊 - 1455] __,王浩信,陳自瑤,M1,

偷食慣匪王浩信因拍新劇《兄弟》和細自己十一年的江嘉敏暗中撻着。娛頭利用陳自瑤攞視帝 偷食王王浩信 暗搞𡃁妹江嘉出爐視帝王浩信在頒獎禮上,不忘多謝老婆陳 ...






偷食慣匪王浩信因拍新劇《兄弟》和細自己十一年的江嘉敏暗中撻着。

娛頭

利用陳自瑤攞視帝 偷食王王浩信 暗搞𡃁妹江嘉

出爐視帝王浩信在頒獎禮上,不忘多謝老婆陳自瑤( YoYo),雖然被人覺得多謝得敷衍,但係總好過一句都唔講。而事實上,能夠以好男人形象成功封帝,最大功勞是全靠陳自瑤肯交戲。在頒獎禮前十日( 11號),王浩信便拖妻女氹樂易玲,邊食飯邊落藥傾獎,幫老公幫到盡。

人前打盡妻女牌,但爛玩性格卻未變過,之前拍《踩過界》搭上拍檔蔡思貝,險釀婚變都冇有怕,最近在英國拍新劇《兄弟》,速嗒細他十一年的新一代「宅男女神」江嘉敏,愈食愈嫩口,當大他兩年的陳自瑤完全無到,偷食王依然死性不改!







王浩信在《踩過界》中飾演「盲俠」令他奪得視帝寶座。





面對熱情如火的江嘉敏,王浩信終於忍唔住不時偷望!





江嘉敏經常在王浩信面前挹挹揚揚,更做出招牌嘟嘴搏注意!





頒獎禮前 10日(一月十一日)晚,王浩信罕有地拖埋老婆 YoYo同囡囡約高層樂易玲食飯傾獎!

氹樂易玲

之前被爆與廿六歲的蔡思貝 lock門打邊爐,兼且現身女方北角香閨停車場,王浩信一度形象插水,之前辛苦建立的好男人形象,一瞬間化為烏有,為力挽形象爭視帝,王浩信氹掂老婆陳自瑤做恩愛真人騷。

為 sell好男人形象傾獎,在頒獎禮前十日(十一號),王浩信更不惜出動妻女,與樂易玲去到銅鑼灣麻神打邊爐,邊食飯邊傾獎,據知席間她不斷為老公講盡好話,完全不計前嫌勁撐,簡直是絕世好老婆。傾到晚上十二時他們才離開,王浩信為氹樂大媽,傾到阿女瞓着都唔願走,離開時他抱住瞓得好冧的囡囡,而陳自瑤戴上口罩,似乎有點不適。





新歡正印撞樣





年僅 23歲的江嘉敏同陳自瑤笑起上嚟的確有幾分相似,不過年齡就差一大截。





去年兩公婆出席活動時表現得貌合神離。





面對靚女新人,王浩信主動出手教戲。





早前,王浩信和江嘉敏在機場拍外景,王浩信見有記者在場表現避忌,江嘉敏見對方突然唔多騷佢,就主動上前遞上 iPad!

床戲高手

現年 23歲,新一代宅男女神江嘉敏( Kaman), 16歲開始做私影模特兒,去年憑大台劇集《親親我好媽》火速入屋,成網友新寵。入大台前, Kaman拍過獨立電影,其中主演《野犬與貓咪》,當中已經有床戲、甚至被父侵犯的戲份。 16年又領銜主演黃國輝執導的《此情此刻》( The Moment),在戲中與飾演她生父的孫耀威差點發生關係。最令宅男心碎的是,她已經名花有主,幫歌手男友曹震豪拍《循序漸愛》 MV時,一開場便露腿穿黑絲, sexy有床戲,並不如劇中清純。

人氣急升後,有指江嘉敏因接拍 ViuTV劇集《三一如三》以及在拍劇時太有主見,辣着 TVB而被雪藏。未幾,江嘉敏極速獲解凍並走出雪櫃,更有機會在多部劇集擔任重要角色,其中大製作劇集《兄弟》,她升呢飾演女一。

英國撻着

雖然家有索賢妻,但奉子成婚的王浩信畢竟未玩夠,向來愛向拍檔埋手的他,最近拍新劇《兄弟》,便搭上劇中有忘年戀只有廿三歲的江嘉敏。

「 Kaman(江嘉敏)其實同陳自瑤有啲似樣,但佢細 YoYo十三年,夠晒嫩口。加上 Kaman外表斯文內裡 open,一向鍾意收兵,對男拍檔好主動,拍《誇世紀》嗰陣同張繼聰玩到郁手郁腳,好彩阿聰夠定力。今次浩信以大哥哥身份成日教佢做戲,仲介紹醫生俾佢割眼瘡,好關心佢。喺英國拍外景嗰十幾日又成日一齊去玩, Kaman又會淨係買定咖啡俾浩信飲,有女送上門自然好快就撻着咗。

「不過返嚟香港之後,浩信係專業玩家梗係識避忌,加上咁近頒獎禮,更加要小心,所以佢哋明顯收斂好多,會專登扮唔熟冇兩句,但係會成日同一時間傳短訊,搞完手機又眉來眼去,好多時 Kaman未有自己戲份,都會提早返公司睇浩信拍戲,爭取見面時間,劇組啲人都知乜嘢事。」工作人員透露。





江嘉敏在《兄弟》中做王浩信助理,不乏感情戲。





青春又活潑,江嘉敏間中都會在社交網頁 po泳裝相引宅男。





江嘉敏經常都會在王浩信 Ig留言。





去年 10月劇組出發到英國取景,令王浩信和江嘉敏有大好機會增進感情。

人前避忌

王浩信同江嘉敏之前在機場拍外景,王浩信好快就發現有記者在場,立即開啟戒備模式刻意避開江嘉敏,江嘉敏雖然都配合,但又忍唔住在他面前行來行去,其間見王浩信跟楊埕說話,江嘉敏又狂偷,之後更突然遞一部 iPad給他,雖然全程沒對話,但王浩信卻很有默契地接住。

王浩信在人前跟她保持距離,但自認鍾意熟男的她,總忍不住引他注意,早幾日他們又一齊拍外景,江嘉敏特別跑到他面前,偷襲劉穎鏇 pat pat,之後又向王浩信嘟嘴又小動作多多,大發嬌嗔狂放電,睇到王浩信開心冧笑。

對慣熟妻,現在有妹主動投懷送抱,難怪王浩信明知有危險都頂唔住誘惑。





於合照期間王浩信刻意同蔡思貝保持距離,唔似得唐詩詠同馬明黐得咁埋。





早年,王浩信同老婆經常在社交網頁晒溫馨照,但近年這些密照已經近乎絕跡。

安全私竇





去年王浩信跟蔡思貝合作《踩過界》而傳出緋聞,二人被爆 lock門打邊爐,令王浩信一度形象插水。

「浩信喺日出康城屋企同座大廈,租多個單位做私竇,方便掩人耳目,依家點玩都得。 YoYo最緊張係個女,為咗個家唔好散,只要浩信仲會識得返屋企,會關心個女,佢都可以當冇事。」知情人說。

偷食王

王浩信跟陳自瑤結婚七年,婚後翌年誕下愛女王靖喬,不過異性緣特別旺的王浩信,婚前婚後一樣緋聞不絕,有 TVB偷食王之稱,但好彩他有個拆彈專家老婆,每次出事後都幫他死撐。





謝芷蕙

11年結婚前,有指王浩信在朋友生日會上搭上陳冠希前女友謝芷蕙( Cammi),女方之後在其家中過夜,事後王浩信澄清當日是屋企開 P,有大班朋友到訪, Cammi是其中一個。





黃心穎

15年與黃心穎合作劇集《東坡家事》,有指他們在內地拍外景時過從甚密,更指陳自瑤嬲到要同老公分房瞓,事後王浩信獲太太力撐,聲言絕對信任丈夫。





蔡思貝

17年,王浩信跟蔡思貝合作《踩過界》傳緋聞,二人先被指鎖門匿在火鍋店貴賓房打邊爐,後又再傳出男方夜訪女方香閨,有傳王浩信為此與老婆分居,最後要陳自瑤幫拖,開聲力撐老公冇出軌,並投以百分百信任。

撰文、攝影:娛樂組 


鍾意就快D Share啦!