真係火藥味濃…
堪輿學家李丞責與2009年港姐冠軍老婆劉倩婷向來恩愛，早前劉倩婷罕有為老公受不尊重對待發聲，據知事源李丞責夫婦本月初應邀出席名人好友王嘉恩（Albert）與太太Pauline的生日宴，當晚飯局宴請60多人，包括藝人關心妍、何傲兒、陳煒及王馨平等出席，藝人菁瑋則擔任司儀，主人家為方便聯絡，特意開了一個電話群組。
生日宴翌日，劉倩婷在群組留言感謝主人家細心招待，但隨後表示李丞責要「贈兩句」教導予女司儀菁瑋，她斥女司儀：「冇禮貌、不懂尊重、嘈喧巴閉、不知所謂，昨晚咁多司儀界嘅師兄師姐，點解搵佢？以後唔好畀我哋再見到佢！」由於事出突然，群組中人相當錯愕，菁瑋在群組留言道歉，但劉倩婷留言後便離開群組，未有看到菁瑋的道歉留言。
生日宴冇異樣
據當晚在場人士爆料，李丞責被抽中上台玩鬥快搣橙遊戲，與菁瑋因用咪的問題而有所互動，當時未察覺有異樣。昨日菁瑋說：「我唔知道邊個環節得罪咗李師傅，令佢唔開心我會道歉。多謝Albert畀我做司儀，同Albert識咗好耐，如果因為我令佢唔開心，我會道歉。」至於劉倩婷昨日對於為夫發聲一事以短訊簡短回覆：「再次祝賀Albert and Pauline生日快樂。剛巧昨日也是我的生日，現正和丞責在瑞士Davos出席世界經濟論壇，生日開心愉快，放眼世界，最緊要大家身體健康！」相信心情未受影響。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
