2018年1月25日 星期四

照顧 17歲自閉兒,倪詩蓓停工 18年復出唱酒郎騷 [壹週刊 - 1455] __,倪詩蓓,M1,

探熱針照顧17歲自閉兒,倪詩蓓停工18年復出唱酒郎騷張國榮初戀女友,現年51歲的倪詩蓓,06年跟黃玉郎分開後,移民新加坡獨力照顧患嚴重自閉症的兒子Ro ...






探熱針

照顧 17歲自閉兒,倪詩蓓停工 18年復出唱酒郎騷

張國榮初戀女友,現年 51歲的倪詩蓓, 06年跟黃玉郎分開後,移民新加坡獨力照顧患嚴重自閉症的兒子 Royce,兩年前健康出現問題,返港定居並安排 Royce入住特殊寄宿學校。

早前黃玉郎入稟爭兒子撫養權,沒有作任何回應的她亦有新動向,淡出幕前十八年復出唱騷,她未有回應是否有經濟壓力,只開心表示有此機會。







她自言十分喜歡唱歌,所以感激有這個難得機會。





她說未有表演十幾年,故此要求 Bar City樂隊為她騷前進行彩排。





在夜店唱騷,以開 party做主題。

一齊開 Party

週四晚在 Bar City復出唱騷,倪詩蓓趁囝囝在宿舍有人照顧,於上週四(一月十八日)進行彩排,經過一個月練氣做運動,她明顯瘦了一個圈。多年未有踏台板,正在彩排的她表示好緊張。

「今次表演雖然只有四十五分鐘,不過太耐冇唱歌,所以好緊張,唔同以前成日去東南亞做騷,一個人表演幾個鐘,台灣直頭好似開演唱會咁。不過今次更加開心,因為可以好 free,觀眾可以落場跳舞,大家一齊玩開 party。」她說。

相隔十八年才復出唱騷,問她是否面對經濟壓力,她未有正面回答:「囝囝而家喺寄宿學校,週末先返嚟,變咗十幾年人生有番啲私人時間,因為以前由朝到晚都要湊住佢,尤其我本身好鍾意唱歌,最緊要有機會,多謝 Bar City老闆願意俾機會我。」她說。

倪詩蓓指囝囝喜歡聽他唱歌,本來以為他只會唱兒歌,但不知從何時開始,他竟然會唱成首《月亮代表我的心》。

「佢可能喺屋企聽得我唱歌多,反而教佢講嘢就唔識,所以我都晒頭。接 job之後,我都好錫住身體,食住 5+蜜糖保養聲線,其實係我同囝囝一齊食,咁樣我哋冇咁容易感冒同喉嚨痛。」她說。







未誕下 Royce前,她經常在台灣及東南亞一帶做騷。





早前她出席頒獎禮嘉賓,呼籲外界關注自閉症兒童。





自從誕下 Royce,她便開始全力照顧患有嚴重自閉症的大 BB。







○六年跟黃玉郎分開後,她帶兒子移民新加坡,早前前度入稟跟她爭撫養權。





當年她因合作而跟張國榮撻着,不過拍拖唔夠一年就分手。

撰文:娛樂組

攝影:李溢敏


鍾意就快D Share啦!