2018年1月25日 星期四

【首次受訪】自讚腳頭好 黎諾懿五億富妻:佢養得我起有餘啦! __,黎諾懿,

黎諾懿喺14年11月11號迎娶當時拍拖三年,家族美容王國生意達5億嘅太子女李潔瑩(Nicole),隨即被指女尊男卑,幫佢改咗個「5億駙馬」嘅稱號。作為 ...




黎諾懿喺14年11月11號迎娶當時拍拖三年,家族美容王國生意達5億嘅太子女李潔瑩(Nicole),隨即被指女尊男卑,幫佢改咗個「5億駙馬」嘅稱號。作為圈外人,要承受大堆非比尋常嘅壓力,以為Nicole會為呢啲新聞感唔開心,但係原來外表柔弱嘅佢,喺性格上硬淨之餘,仲帶幾分傻氣,完全冇上心之餘佢仲話:「佢養得我起有餘」

Nicole日前喺旺角接受《蘋果》訪問,首次接受媒體專訪嘅佢,對於近幾年關於佢同老公黎諾懿嘅新聞,都圍繞著女尊男卑,佢豁達回應:「真係冇理,佢(諾懿)初初可能有啲唔開心,但後來覺得大家想點寫就寫,而我就覺得冇乜嘢,佢(諾懿)好勤力付出,同埋我同家人知係點就OK,佢養得我起有餘!」Nicole又撐老公謂:「有冇錢係bonus,咁佢(諾懿)o依家都唔差吖!」

咁喺Nicole心目中,好老公又係點㗎呢?佢笑指:「老公最緊要係將屋企放喺第一位,咩嘢事都會先考慮老婆同屋企。」問到Nicole覺得諾懿係咪已經做到?她即大讚老公呢方面一向合格,又話:「我哋除咗係夫妻,都係好朋友,佢每日都會同我講嗰日做咗啲乜,有乜開心唔開心都話我知,講咗佢就好開心㗎喇。」

不過,有好就緊係有壞,Nicole踢爆諾懿毫不浪漫:「諗佢做過嘅sweet嘢真係好難,唯一係佢鍾意煮飯,我都試過煮㗎,但佢好挑剔,咁不如交俾佢,但佢因為好忙,所以都好耐冇煮喇。」

囝囝小春雞今年4月一歲,問Nicole有冇打算多生一個?佢坦言老公就流晒口水想要個囡囡,但暫時都係順其自然,因為照顧小朋友真係很辛苦。

講到諾懿婚後事業運大增,呢幾年幾乎個個角色都非常入屋,Nicole即笑言:「腳頭都幾好0架!」問佢會唔會介意老公拍親熱戲?佢話:「我哋最近有傾呢個話題。其實自己唔係太介意,但佢拍之前一定要同我講咗先,唔可以喺電視先見到先至知。佢初初同我拗,話隱瞞唔係講大話,但最後都屈服咗俾我,佢一定要話我知,唔係死梗!」

場地提供:壹壹漁

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent



黎諾懿喺14年11月11號迎娶當時拍拖三年,家族美容王國生意達5億嘅太子女李潔瑩(Nicole)。(資料圖片) 隨即被指女尊男卑,幫佢改咗個「5億駙馬」嘅稱號。(資料圖片)
老婆李潔瑩完全冇上心之餘佢仲話:「佢養得我起有餘」(攝影:林德雄、廖達燊) Nicole日前喺旺角接受《蘋果》訪問。 囝囝小春雞今年4月一歲(互聯網圖片)
問Nicole有冇打算多生一個?佢坦言老公就流晒口水想要個囡囡,但暫時都係順其自然。

鍾意就快D Share啦!