掃呢頁CODE去手機

2018年1月25日 星期四

毛姐吹雞江欣燕撐馬蹄露帶鮮肉男見毛舜筠 [壹週刊 - 1455] __,毛姐,馬蹄露,江欣燕,毛舜筠,M1,

馬蹄露將小鮮肉介紹俾毛姐識,毛姐禮貌地同佢握吓手。同你吟一吟毛姐吹雞江欣燕撐馬蹄露帶鮮肉男見毛舜筠早排汪阿姐吹雞,令「至八會」四年後齊腳飯聚。今次輪到 ...






馬蹄露將小鮮肉介紹俾毛姐識,毛姐禮貌地同佢握吓手。

同你吟一吟

毛姐吹雞江欣燕撐馬蹄露帶鮮肉男見毛舜筠

早排汪阿姐吹雞,令「至八會」四年後齊腳飯聚。今次輪到毛姐(毛舜筠)吹雞睇戲,「至八會」成員只得兩件,江欣燕同鍾慧冰現身。

呢日係毛舜筠主演嘅新戲《黃金花》搞優先場,老友江欣燕同鍾慧冰抽到時間嚟捧場。至八會以外仲有好多 friend都有嚟,不過最重視呢個約會,真係非馬蹄露莫屬。佢唔單只盛裝赴會,仲帶埋條仔嚟!

已經五張嘅馬蹄露,結過婚又曾經同個老外大學教授拍過拖,之後感情生活只得一個字——吉!依家有仔陪睇戲,仲頗似小鮮肉,介紹俾毛姐認識時,毛姐都要同佢握吓手。

點知一個轉身見全相,馬蹄露條仔原來係姪仔馬米高,即係成日喺網上教英語,牙尖嘴利嗰個。馬蹄露,就快踏入黃金花歲月,快啲有着落





呢日毛舜筠主演嘅新片《黃金花》搞優先場,馬蹄露化行妝撐場未夠,仲帶埋鮮肉男見毛姐。





睇完戲多個咗李綺雯同行,唔怕做電燈膽,因為呢位鮮肉男其實係馬蹄露嘅姪仔,有拍吓劇嘅馬米高。





佳人有約,不過係約咗鍾慧冰,佢哋同毛姐都係「至八會」成員,呢次毛姐吹雞約睇戲,梗係要捧場。





呢一邊見到江欣燕單拖等邊位?

撰文:八珍 

攝影:李玄


鍾意就快D Share啦!