掃呢頁CODE去手機

2018年2月21日 星期三

35歲孫慧雪產後抑鬱 「老公話我變得好恐怖」 __,孫慧雪,

「宅男女神」孫慧雪婚後三個月造人成功。初為人母,湊BB令她事事緊張,因而患上輕度產後抑鬱,她坦言:「老公話我變得好恐怖。」【小事緊張】一六年十二月,孫 ...




「宅男女神」孫慧雪婚後三個月造人成功。初為人母,湊BB令她事事緊張,因而患上輕度產後抑鬱,她坦言:「老公話我變得好恐怖。」

【小事緊張】

一六年十二月,孫慧雪與拍拖六年的圈外男友羅天彥(Edwin Lo)結婚,婚後不設防,很快便造人成功,囝囝Riley去年七月出世,今年半歲大,肥肥白白很可愛。初為人母,阿雪坦言容易緊張,更患有輕度的產後抑鬱,她說:「我變得易喊又成日發𤷪𤺧,唔知係咪因為產後賀爾蒙影響,好小事都會搞到自己好大壓力,剛生BB一個月,陪月叫我食飯休息吓,唔使成日望住個BB,但係我仍然會一路食飯一路望實佢,或者陪月姨姨同佢掃風,我都會擔心唔知佢會唔會太大力,又或者會唔會太細力掃唔到,呢啲好小問題都令到我情緒好波動。」

【忍唔住喊出來】

照顧初生嬰兒,少一點經驗都不可以,雖然有陪月幫手,但阿雪事事緊張,搞到情緒起伏大,阿雪要自我安慰,「有喊過一兩次,但唔算係好嚴重,發現問題後,都會同自己講,點解自己咁緊張,其實佢都肥肥白白吖,問題應該唔係咁大,我會叫自己放鬆。」

見到Riley健康成長,又是個happy baby,加上有老公Edwin在旁開解兼幫手,她說:「老公有時都會話我變得好恐怖,佢好懷念大肚時候嘅我,識我咁耐最溫柔就係嗰段時間。我返工前,一定會打電話叮囑佢,提工人姐姐餵糊仔,耐唔耐睇吓囝囝會唔會鼻塞抖唔到氣,跟住老公就叫我放心,唔使憂慮,佢會幫我睇到實!」

【情緒忽高忽低】

阿雪指有不少新手媽咪都會經歷這些情況,幸好她性格樂觀,病情沒有再嚴重落去,但情緒依然容易受影響,「每日見到佢少少進步,識得講一個單字,或者突然嗌隻狗仔,嗰種開心就會蓋咗壓力。」

相關新聞:

現重130磅 C奶孫慧雪盼3月前瘦一圈

http://bit.ly/2BEcdF2
生B後,阿雪擔當全職母親,每次提起囝囝,她都會忍不住甜笑起來。
老公Edwin對老婆很體諒,知道阿雪情緒有起伏,每次放工後會即刻負責湊囝囝,希望與她一起分擔。
一六年,阿雪與拍拖六年的圈外男友Edwin結婚。

鍾意就快D Share啦!