掃呢頁CODE去手機

2018年2月21日 星期三

首個有妻女新年揚言追個仔城城找數 將全民利是捐慈善 __,城城,郭富城,

■城城昨日心情大好,在台上抱着狗狗做「請請」。52歲的郭富城(城城)去年4月迎娶年輕23歲的國產女模方媛,同年9月榮升人父,老婆為他誕下女兒。城城喜獲 ...




52歲的郭富城(城城)去年4月迎娶年輕23歲的國產女模方媛,同年9月榮升人父,老婆為他誕下女兒。城城喜獲各界祝賀之時,其24年前許下的承諾被公開,表示結婚會向全港市民派利是,最近被網民在網上無限loop,要求城城「找數」。城城昨日出席公開活動時,做個「找數真漢子」,表示會將利是捐予聯合國兒童基金會。

郭富城昨日大年初五穿上藍色唐裝衫、戴藍色太眼鏡,風騷現身尖沙嘴的賀年活動。早於24年前,當年只有29歲的城城,接受負責娛樂節目採訪的祝文君訪問,曾在鏡頭前表示:「希望有一日我將來結咗婚,我就派利是,個個都有份,我講過嘅,全港嘅市民都會收到我嘅利是。」事隔24年,但隨着城城結婚,最近被網民翻炒要求他「找數」。



■94年城城接受祝文君訪問,公開表示結婚會派利是,又講明「個個都有份」。電視圖片 ■城城昨表示將利是捐予聯合國兒童基金會,圖為他09年以基金大使身份到泰北探訪。資料圖片

小朋友越多越熱鬧

城城昨日接受傳媒訪問時,被問到會否成為「找數真漢子」?他即笑說:「我有睇,都20幾年前,嗰陣時我仲係小朋友,𠵱家我大個啦,我找數。不過我冇可能逐家逐戶咁派利是,所以我會集合埋全港市民嘅利是捐出去,希望分享呢個福氣,我心目中想捐去UNICEF(聯合國兒童基金會)。」

至於,平日少談家事的城城,未知是否受濃厚節日氣氛影響,心情特別好,在台上主動提及囡囡,他說:「一直都好想有自己寶寶,多咗個女又結咗婚,家庭生活十分開心。」城城又謂:「以往嘅新年假期其實都好短,今年就特登提早,享受吓家庭樂,做咗爸爸嘅心情到𠵱家都仲好興奮。」司儀問他的狗年願望?城城毫不避忌,興奮說:「追個仔」城城其後受訪時說:「今年特別開心,因為屋企熱鬧咗好多,有家庭、有小朋友,真係好熱鬧。𠵱家囡囡五個月大,一家人都好開心,同未結婚完全係兩個世界,𠵱家覺得生活同快樂真係好簡單。」

問到是否真的想追仔?城城坦言母親好鍾意:「佢有得抱孫女,但係都成日同我哋講,你睇吓你個女幾得意,快啲追番個仔。佢抱孫女都唔夠,咁我哋好孝順嘅,會盡量努力,不過都要順其自然,希望今年追番個仔」問到想生幾多個?城城表示如果老婆不怕辛苦,可以生多些,他說:「社會一仔一女都好足夠,不過我就覺得小朋友越多越熱鬧。」



■城城昨日與財神現身尖沙嘴活動,吸引大批市民圍觀。 ■城城在賀年活動上大講女兒經,又指今年家中多了小朋友變得熱鬧。 ■城城與小女孩合照,盡顯父愛。

下一步幫囡囡沖涼

說到囡囡,城城幾乎停不到嘴,甚至分享湊女生活,指自己有份餵囡囡食糊仔,還慈父上身說:「要好細心咁餵,下一步希望同佢沖涼,換片嗰啲我就喺側邊睇,因為我驚自己太大力。」他又爆老婆幫囡囡沖涼時,不小心讓囡囡飲水,嚇得他都不敢幫囡囡沖涼。城城又說:「湊佢真係難過跳舞好多,又要𠱁佢瞓覺,不過希望喺開工之前,可以帶佢去公園玩,呢個係我嘅目標。」

採訪:盧妹

攝影:葉君海




鍾意就快D Share啦!