袁詠儀出身警察世家，甚至喺警察宿舍出世、長大，一家都係警察，爸爸係，哥哥係（已離職）、姑媽姑丈表哥等等等等，都當過差。
以下呢個問題，袁詠儀應該答過無數次：全家都係警察，點解你唔做？
「我有諗過0架，我真係有諗過去警察！但我媽真係好早同我講：『你唔好喇，算』佢話我份人黑白太分明，即係呢，你撞到個好嘅賊，人哋講幾句嘢，你可能就會放咗佢；但你遇著衰嗰啲賊呢，人哋都未咩啫你就打死咗佢，所以佢覺得我性格唔係好啱。」
從小在警察宿舍長大，生於警察世家，令袁詠儀有這些改變：
1.從小就知道，唔可以做錯事。
「我爹哋有時返嚟會話俾我聽，今日拉咗個咩人呀，今日有個咩點樣呀，由細到大我已經聽好多咁樣，你就唔多唔少會知道，唔可以做錯嘢，你唔可以做錯事，你唔可以做壞事。」
2.童年時可以成日見到爸爸
「我覺得警察係除暴安良，好安全嘅人物嚟。由細到大，我都喺警察宿舍同警察局生活，我試過0架！人哋隔籬落緊案，我就喺度做功課，因為我爹哋揸警車，因為佢好高大，好肥，佢叫『豬肉仔』吖嘛，好肥呀咁樣，佢主要揸警車，變咗好多時候，可能對我嚟講有啲優惠，佢唔使成日出去行咇，我就可以跟住喺警局度等佢放工呀，或者係有啲空餘時間去玩吓。」
究竟喺警察宿舍生活係點過？「我喺警察宿舍大，個個老竇老母，唔係阿爸就係阿媽係警察，你有咩咁特別啫？打起上嚟就大家都咁高咁大。」細個有冇同同學仔講一家都係警察？「咁我又唔會咁樣話畀人聽嘅，好少講呢樣嘢。」
咁放咗學、或者放假嗰陣有邊度去？「其實冇乜地方去0架，真係喺自己個宿舍。嗰度好大0架，你自己一個山頭呢，玩晒0架喇，自己喺啲山邊度玩呀。嗰時呢，大家都係幾歲呢，阿媽要你攞嘢過隔籬座，好放心。」
「我好記得嘅就係以前，細個啲lift係紅色0架，中間路口又會好暗0架啲燈，咁但係阿媽一定要你去，去做嗰樣嘢。我諗喺嗰個環境訓練，係令到依家有好多嘢都唔怕。」
但有一段童年經歷，令袁詠儀一生難忘，亦係因為經歷咗呢件事，令佢變得無懼。「嗰時有個細路仔，喺宿舍邊度玩呀，跌死咗。阿媽要我哋夜晚攞啲嘢去嗰個地方，真係驚0架！因為你要行嗰個後樓梯呢，喺個山後面，你真係好驚，但要硬住頭皮。」
「我好記得，自己一路行，一路喊，但係好快就行到喇喎！依家覺得唔使驚，冇嘢嘅。」
記者：陳月媚、倩宜
攝錄：馮峰、卓振輝、吉吉
攝影：林德雄
化妝：Kerry wong
髮型：Sam Pan @Muse Hair
場地提供：好酒好蔡
【閃耀人生女人心(7)】唔識語言藝術得罪人 靚靚被雪成就影后路
http://bit.ly/2F5KCw7
【閃耀人生女人心(6)】經歷選港姐勾心鬥角 靚靚一心攞亞軍：我係張曼玉
http://bit.ly/2EEyLaP
【閃耀人生女人心(5)】老婆坐月Chilam照蒲 靚靚產後抑鬱險離婚
http://bit.ly/2HdEqmD
【閃耀人生女人心(4)】坦認女追男 靚靚呻俾老公食住：張智霖係唔會錯㗎！
http://bit.ly/2H9XvWy
【閃耀人生女人心(3)】狂造人望追多個女 靚靚人工受孕：我卵子已老
http://bit.ly/2CfW45g
【閃耀人生女人心(2)】懷疑魔童自閉過度活躍 靚靚陪睇心理醫生原來係...
http://bit.ly/2EinZDx
【閃耀人生女人心(1)】靚靚管教太嚴愛操控 魔童：我想換個新媽咪
http://bit.ly/2EkPJY1
最港電影大獎投票網址
http://bit.ly/thekongestfilmawards
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|