近呢幾年想睇演唱會，想買飛真係難過登天，往往Fans們只能向黃牛黨屈服，以極高的炒價購入門票。最近黃子華在Facebook批評黃牛黨太過離譜，盼政府關注黃牛黨問題，更要求其支持者不買「黃牛飛」。未幾名為「The Lion Rock Institute 獅子山學會」的專頁就發出新聞稿，以題為「供求失衡炒黃牛 搵食啫，犯法呀？」，並「就有關黃子華呼籲政府干涉自由市場炒賣一事」作出回應。
估不到的是新聞稿件一出，即時成功吸引不少網民關注，兼瘋狂圍攻，更有不少網民評分該專頁至1.3粒星，究竟「The Lion Rock Institute 獅子山學會」寫了什麼? 內容就話「歸根究底是黃子華的錯，因為他將門票定價太低」，又謂「肯用這樣高的價錢來捧場，才是支持黃子華的真正fans，整天只望能夠用平價去看偶像或叫回水的，不如回家睇youtube吧！」
而他們認為「其實只要主辦單位只要加場次、加價，便能避免出現炒賣門票的情況。」不過就引起不少網民留言攻擊，事關該帖指「在自由市場下，主辦單位出售門票時既已收到協議中的收入，那門票的權益便是屬於買方，買方不管是用較高或較低的價錢轉售，只要有人同意以該價錢購入便可，別人無權作出干預，的士牌不是因為這樣才炒到幾百萬一個嗎？」為黃牛黨高價售出門票作辯護。
有不少網民認為該會的帖文十分荒謬，更指他們「傻的嗎?」。有網民留言狠批其學會之說時，其專頁小編亦都不甘示弱留言話「唔好識少少就挑機啦」。
網民究竟點睇學會新聞稿? 節錄如下:
「有啲嘢唔係一句自由市場就大晒。光明正大賣飛無問題, 買到嘅飛私人轉讓亦很平常。現在要正視的, 應該係點解人地一個團隊自己都未有飛, 而非官方售賣點已經有數以千計嘅門票在售賣吧? 」;
「堂堂一個（自稱）智庫組織，刊登出黎既新聞稿有咁多犯駁位都算，竟然連炒黃牛係犯法都唔知。」;
「你哋居然跳出嚟抽子華水，尤如跳落火坑。你哋經濟幾叻都冇用（何況一啲都唔叻），用返子華嘅話：「做人無PR，食屎架！」。
提一提大家:
根據《公眾娛樂場所條例》「對未獲授權而售賣門票的限制」，向公眾轉售門券屬違法行為，最高可判處罰款二千元。
來源 source: http://nextplus.nextmedia.com
|
鍾意就快D Share啦！
|
|
|