何弘軒指今次創業嘅資金係佢嘅棺材本、成副身家、老婆本。
歌手何弘軒榮升老闆，為有份投資的美容院ZeroSkin零毛孔分析中心舉行開幕儀式，獲好友可嵐、李志剛等到場支持。講到首次做老闆，他笑言：「學吓嘢先，自己對美容都有興趣，平時都好勤力做facial。」他透露今次是與朋友夾份開店，問到他投資了幾多位數字？他笑言：「唔好講呢啲啦，總之係我嘅棺材本、成副身家、老婆本。（驚唔驚大風險？）冇呀，當學吓投資，乜都試吓，我哋希望可以3年內開5間分店，依家就係第一間，希望呢個目標可以成功，咁我就成功進軍商界。（依家掛住做生意唔唱歌？）唔會，等生意上軌道會唱番歌。」
食錯嘢？
講到他勤於做facial，他坦言：「其實我都做得幾密，如果去美容院嘅話，我會隔個星期上去，如果自己喺屋企敷mask嘅話我會隔日做。（男仔之家咁貪靚？）依家男仔貪靚係好正常，好多男仔貪靚又唔敢講畀人知，所以我叫男仔勇敢啲，其實男仔都可以好貪靚，儀容整潔好緊要。」講到他皮光肉滑可以做埋美容院代言人及生招牌，他笑言：「驚全部嘢都係我唔係幾好，可能遲啲先，但我嚟緊都會開個blog講吓護膚心得，都會介紹吓舖頭。」他又透露今早又屙又嘔：「今朝未食嘢仲嘔埋黃膽水，唔知係尋晚食錯嘢定係因為今日太緊張，但ok嘅，我精神狀況ok。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|