好想睇夫妻檔會有咩火花！
歌手盧巧音在文化中心參與慈善音樂會，表示會唱兩首歌，分別是《三角誌》及《垃圾》。她亦謂今次是與管弦樂團合作，希望之後可以多些合作，想試多些不同音樂。講到工作，她謂剛做完澳門演唱會及一些商演，之後會有新project，但想保持神秘，問到可會與樂隊Kolor的老公Sammy合作？她謂都會，但形式想保密。
她又講到下月會到關島及菲律賓附近的地方拍ViuTV劇集《仇老爺爺》，五月就會到加拿大做表演。講回劇集，她透露飾演游學修的媽媽，她笑言：「所以呢排要特登整殘自己，唔敷mask，因為唔想唔似，啲衫都幾老土，但我又冇乜怨言，因為角色需要咁，我都有留意啲大媽手勢，希望可以搭夠個歲數。（有冇向自己媽媽取經？）聽佢語氣，佢比較少嗰啲手勢，所以我去多少少街市望吓人哋點講數。」她又謂實際年紀43歲的她可以生得出27歲游學修，坦言已是第二次做媽媽的角色：「都冇得唔接受，因為劇本講呢啲咁嘅嘢，所以要代入角色。」
來源 source: http://hk.on.cc
|
鍾意就快D Share啦！
|
|
|