網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月24日 星期六

蕭正楠生日被玩半粒鐘 翠如送禮物遭嫌棄 __,翠如,蕭正楠,正楠,黃翠如,

黃翠如同黃浩然等人尋晚同蕭正楠慶生,點知嚟個大整蠱!藝人黃浩然與黃翠如於尖沙咀出席活動,黃浩然唱歌時向粉絲派簽名照,冧得粉絲十分開心。翠如被問到男友蕭 ...


黃翠如同黃浩然等人尋晚同蕭正楠慶生,點知嚟個大整蠱!


藝人黃浩然與黃翠如於尖沙咀出席活動,黃浩然唱歌時向粉絲派簽名照,冧得粉絲十分開心。翠如被問到男友蕭正楠(阿蕭)生日,獲一大班朋友慶祝是否很開心?她說:「係呀,不過唔盡興,因為佢今朝05(開工)!」又指阿蕭最初以為只有一位朋友與他慶祝,因為當時獲安排坐四人房,阿蕭更不斷問為甚麼沒有朋友到來,後來餐廳老闆娘交戲,要他們換房,其實一大班朋友早已在另一房間等待,翠如說:「玩咗佢半個鐘,其實今次係黃長興同埋我安排,袁偉豪同黃浩然就最後出現!」

扮唔知阿蕭生日

浩然笑指早幾天阿蕭已叫他23號要吃晚飯,他扮傻反問對方甚麼事,他說:「佢窒一窒就話我生日囉,咁我就話我搵翠如」翠如則表示:「佢都有問我:『浩然冇搵你咩?』我話冇喎!」浩然又指最搞笑的是曹永廉,身在橫店拍攝劇集的他透過視像電話表示:「拆緊頭套,我過緊嚟」

送「電視機」

翠如被問送甚麼禮物給男友,她笑指是實用禮物,被問是否送BB?她笑謂:「唔係,我送電視機,不過趕唔切買,所以畫咗幅電視畫畀佢,用暖包黐住!」翠如亦在社交網晒出生日禮物,她表示蕭正楠想換新電視,並留言:「當他的生日來到,然後你想起,他說他想換一部電視,和他開工時很冷。最有心的禮物到了。」真係好有心囉!但蕭正楠收到後有甚麼反應?她說:「佢睇完咪擺低囉,其實部電視手掌咁大,又溫暖又可以隨時睇!」

上《美女廚房》?

談到蕭正楠即將主持節目《美女廚房》,翠如被問出可會上節目擔任嘉賓?她說:「唔制,我成日畀佢踩,等佢讚到我心花怒放我再考慮吓!(踩你整燶雞蛋?)邊有可能!我正常嘢都識煮!」浩然在旁則交戲:「我都有食㗎,好味,五花腩得呀!你一陣畀番五舊水我喎!」翠如則笑謂:「我都冇煮過!」又指要向浩然老婆學煮飯,謂因為如果見她上節目,則代表對廚藝很有信心!不過浩然就在旁笑指:「你到時唔好搵我做嘉賓,我唔想試食!」


來源 source: http://hk.on.cc
鍾意就快D Share啦!