諸葛紫岐指將同家人去日本遊行一個星期。
名媛諸葛紫岐（Marie）與老公薛嘉麟晚上到灣仔出席保良局周年慈善餐舞會，身穿高踭鞋的Marie行路有少少拐拐吓，她解釋日前穿了不合size的波鞋，着了一日後覺得腳痛，三日後睇骨醫證實患了骨膜炎，要物理治療及搽藥膏，問到為何還穿上高踭鞋？她笑說：「其實都諗咗好耐，因為要靚，影相啫！之後就會入去換鞋。」
諸葛紫岐又透露之後會跟家人到日本旅行遊覽主題樂園及動物園，大約逗留一星期，老公亦會同行，問到老公是否負責「造人」？Marie大笑說：「佢會照顧我哋，幫手拎嘢做咕哩。（係咪真係會造人？）希望快啲有好消息！（想BB係日本製造？）其實邊度製造都冇問題，想快啲有喜訊！最想係要龍鳳胎！（接唔接受人工受孕？）未使！遲啲先諗。（點樣催谷老公？有冇畀虎鞭佢食？）唔使咁恐怖！佢好忙，食嘢係唔健康，又飛來飛去，不過都冇乜食補品，我相信順其自然，就算身體唔好，上天要畀你都會照有。」
來源 source: http://hk.on.cc
|
鍾意就快D Share啦！
|
|
|