佢遷覺得自己應該要有啲經歷所以先諗住轉行。
導演兼演員身份的彭秀慧，將於3月底假香港演藝學院歌劇院第11次舉行舞台劇《29+1》的公演，一共有11場，這次將衝破該舞台劇的100場演出。彭秀慧就指從來都沒有想過再公演，因為至2013年「最後」演出後，覺得有4萬幾個觀眾看過就已經好盡：「到2015年又有好多人話好想睇，所以先有電影版。其實老闆都有問過我好多次再做唔做，我嘅第一個反應都係話唔做，諗唔到點解要再做、冇場地，同埋之前又講過最後演出。但有一日，有個朋友就拎住演藝學院呢個期嚟問我，呢個場係舞台劇嘅紅館，而身邊嘅朋友都支持，就話係幫香港劇場做番啲嘢，係值得紀念，所以應承咗。」
不過原來當初彭秀慧離開劇團後，曾經有一段迷失期，自爆想過轉行賣車：「嗰時覺得係要多啲經歷先得，留喺劇團3年幾，唔知咩係叫進步。（但點解係想去賣車？）細個好鍾意揸車，咁覺得自己溝通技巧都Ok，又好奇唔知女性賣車又會係點。」主持人問到為何想做《29+1》？她表示當時自己快將30歲，有好多事情發生都以為自己唔驚，但都會想轉變吓：「最低成本就係自編自導自演，做獨腳戲。（你係咪真係有經歷過劇入面嗰段愛情？）冇，好多人都以為獨腳戲就係自己寫自己，但有啲唔係我經歷，係情感元素放大感情，會感覺到嗰種感受。」
之後彭秀慧又憶述完成《29+1》第一場舞台劇的感受，她表示心情都幾沉重，因為有好多情感情緒：「朋友睇完都話太Heavy（沉重），當時記得係有氣餒，覺得佢哋唔明，嗰時都幾喺自己嘅世界入面。」
來源 source: http://hk.on.cc
|
鍾意就快D Share啦！
|
|
|
