香港舞王結唔成婚？！ 劉麗萍嗌分手麥德羅：個女人搞破壞！
曾被封為「香港舞王」的麥德羅跟卡拉OK老闆娘劉麗萍這對舊情人兜兜轉轉，原定年底拉埋天窗，卻驚爆兩人因「小三」介入而分手！慘遭男友瞞騙感情的劉麗萍甚為傷心，形容內心滴着血，而麥德羅打死不認「偷食」，正努力箍煲挽救多年情。
年底便「登六」的麥德羅（Robert），去年高調宣布將於今年迎娶55歲女友劉麗萍（Apple），當時他說：「等我60歲大壽嗰日，就計劃向Apple求婚！」還有意搞個水底婚禮。不過，Apple昨日凌晨卻在社交網自爆有「小三」介入：「我要和麥德羅分手！」大爆該女人打電話給她，直指兩人背着她有「不尋常關係」，並指Robert對她做過所有不忠的事，Apple留言：「我真的徹底被傷透了！當你發現睡在你身旁十多年的人是一直騙着你的！真的傷心到像內心滴着血的，真的很痛！」
揭暗交三年：有誤會
Apple與朋友互相留言，並上載該疑似「小三」的艷照：「就是這女人」！該中年女子身穿吊帶閃石衫，頭戴牛角面罩及披上斗篷，造型冶艷，Apple繼續爆料：「我三年前已曾經發現他們WhatsApp很曖昧，已警告他不要再理會這女人，他答應了卻又跟她繼續來往，如今這女人跟我哭訴他們已交往三年，更被騙感情！」Apple曾就「小三」一事向Robert質問，但「他死口不承認」！記者致電Apple追問與麥德羅分手一事，她只透過訊息回應：「唔好意思，現在唔想講話！」並附上哀傷表情符號，似乎甚難過。
面對Apple宣布分手，Robert受訪時語氣明顯冇厘心機，他在電話說：「有啲誤會啫！依家箍緊煲，叫佢唔好亂諗。（係咪同嗰個女人有路？）唔係啊！佢有啲問題o架！（嗰個女人主動打畀Apple爆料？）佢亂噏嘢，係想搞破壞嗰隻，唔知佢同Apple講乜！尋晚佢Send咗張相畀Apple睇，搞到佢好嬲。（咩相？）咪啲攬頭攬頸，佢錫我塊面嗰啲相！（你發誓同佢冇嘢？）可以，我哋真係冇嘢。」並指該女人只是狂迷，對方年紀更比他大7、8年及已有孫兒，揚言今次過後會與她斷絕來往。
離家出走 盡力箍煲
兩人同居多年，Robert坦承女友前晚已沒有返家：「我都搵啲朋友搵緊佢，但未搵到！我再試吓WhatsApp佢，氹番佢。」提到Apple指三年前曾叫他提防該「小三」，麥德羅承認有此事：「係兩年前，佢話我有知名度，小心啲」並再三強調沒有背叛Apple或做過對不起她的事：「真係冇呀！」
Robert跟Apple各自結過婚，Apple經歷過兩段婚姻，育有兩女一子，Robert亦已離婚並有一子。兩人在年輕時拍拖四年，分開廿多年後在一個場合重逢，一撻即復合。據知，Robert身邊有很多花蝴蝶氹氹轉，亦因貪玩個性而瞞住女友跟其他女性朋友密會：「人唔係因為老而唔玩，係因為唔玩先會老。」
文：音樂組
|
鍾意就快D Share啦！
|
|
|