演藝人員不適時未有即時除頭套續有餘波。日前有遊客欣賞迪士尼巡遊時，ShellieMay突然腳步浮浮，繼而暈倒。不少人紛紛為ShellieMay送上祝福，但亦有人批評工作人員處理不周，未有立即為暈倒的演藝人員脫下頭套，直斥他們「攞人命較飛」。不過，有網民則為主題公園護航，認為做法並無不妥，如即場為卡通人物脫下頭套，會破壞小朋友的童心。此話一出，立即被其他人批評「麻木不仁」，並未有站在他人角度着想。
網民Carrie留言稱，工作人員固然辛苦，但不認為應因其暈倒而脫下頭套，令小朋友的童心和幻想被幻滅。「小朋友開開心心嚟迪士尼玩，玩玩吓個工作人員除咗個頭套，小朋友先知一直以為個卡通人物竟然係人，第日再去玩佢仲會唔會信？」她又舉出聖誕老人作例子，「就好似我哋細個信聖誕老人係真咁。」她一再強調，小朋友的童心萬一被破壞，「邊個可以補得返？」
有網民隨即截圖並分享至其專頁，諷刺地指「留言世界級，童心破壞咗補唔返呀，一個唔好彩死X咗就份人工包埋」，批評該網民：「自己唔識同細路解釋個世界發生緊咩事，就將個責任拋畀其他人承擔。」其他人紛紛和應，提出家長應趁此時讓小朋友知道真相，認為「如果入面個人真係有咩事，啲細路個陰影面積係會仲大。」
但也有曾任職「公仔人」的網民表示，「又熱又焗有冇風扇仔都一樣死」。亦有人認為「童心」較為重要，讚賞該工作人員敬業樂業。藝人何遠東亦發聲，指每個行業都有他的要求，「表演藝人絕對想每一次岀場都做到最好，此乃專業」。不過，有人立即反駁：「有要求唔代表可以收買人命！」
網民有話說
何遠東：睇完條片，心頭一湧，希望Mascot內的演員無事。事實如此，表演藝人絕對想每一次岀場都做到最好，此乃專業。所以，下次睇完演出，記得俾掌聲鼓勵表演者！
C.w. Ho：換轉暈嗰個係佢得唔得？佢可以諗都唔諗答個「得」字嘅我話佢叻呀！
Lam Chun Hin：如果係嗰個工作人員咁諗我都會好佩服佢，但跟住我都係會除佢頭套。
Kennie Mich Wong：做過公仔人嘅我表示：又熱又焗有冇風扇仔都一樣死。
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|