古巨基同老婆Lorraine喺94年認識，拍拖咁耐都係做佢背後的女人，直到14年，佢哋先結束20年嘅愛情長跑，結婚後仲不時放閃。今年已經45歲嘅基仔，究竟佢人生最好嘅時光係邊段時間? 「好難話邊一段最開心，有好多moment，譬如結婚都係一個開心嘅moment，進入咗另一個階段。」
提到夫妻相處，基仔話︰「其實我係一個浪漫嘅人嚟㗎，我又打機又浪漫。結婚係開心嘅，令我有另一個我走咗出嚟，可能係因為年紀，呢個年紀可能已經會進入咗另一個我，亦都可能係因為結婚，變咗另一個角色，你有另一種責任感，又會變咗另一個我。」
「我覺得自己係一個好老公，唔面紅。我有冇面紅？正如我有啲訪問都講過，我覺得未結婚之前大家都忙做嘢，唔係好多拍拖生活，出嚟見面又係講做嘢，返到去又係講做嘢，但結咗婚之後，包括我，包括我成日同古太講，我哋要調整一下，唔係淨係工作夥伴，我哋係伴侶，我哋要拍吓拖，所以結咗婚之後，嗰個相處又好，或者心態又好，的確係同以前唔同咗，成個人進入咗另一個階段嘅感覺。」至於生小朋友，基仔話自己一直都有做人大計︰「兩夫妻相處時間亦都多咗，婚後呢幾年生活同工作其實真係平衡咗好多！但係做人計劃幾時成功就無人知，只有天知，暫時都仲係二人世界，我哋都好喜歡小朋友，但亦都唔想因為咁而互相有壓力，順其自然啦。」
相關新聞：
【與神對唱】搵黃子華合作 古巨基：呢首歌只有佢能幫到我
http://bit.ly/2G9V0Tg
【學周慧敏唔要歌酬】明益本土樂迷 古巨基：今次係香港特別訂製嘅版本
http://bit.ly/2pBwPqI
來源 source: http://nextplus.nextmedia.com
|
鍾意就快D Share啦！
|
|
|