球迷（左）咀完C朗勁得戚，C朗就一臉無奈。（Getty Images、影片截圖）
即上英超刨績王：http://win.on.cc/epl
2018年3月27日，C朗永遠都會記住呢日。國際熱身賽葡萄牙主場對荷蘭，葡軍毫無還擊之力，上半場連失3球，最後慘吞橙軍3蛋。咁都未夠衰，竟然有球迷衝入球場，有位男粉絲超熱情，走埋C朗度按住佢條頸、夾硬送上香吻。好彩C朗反應快，冇搞到朱唇完全失守，但相信都被擦到嘴邊，之後只能擰晒頭搵手抹嘴，認真慘情。
C朗上仗八面玲瓏，於完場前梅開二度，帶領葡萄牙反勝埃及，今仗佢繼續以隊長身份出戰，不過佢就未能再創奇迹。由新領隊朗奴高文帶領嘅橙軍反客為主，先由曼聯棄將迪比，於禁區內接應隊友傳送快射入網打開紀錄。之後輪到前利物浦翼鋒賴恩巴布發威，禁區內頂成2:0。更慘嘅係之後華基爾華迪積克入波，呢位效力紅軍、全球身價最高後衞，禁區內混戰射成3:0遙遙領先。
咁快失3粒已經瘀，點知完來噩夢依家先開始。當球隊失完第3粒、欲於中圈開波時，有幾名球迷竟然衝咗落場，同樣係衝住C朗而來，本身心情已經曳嘅C朗，完全冇諗過有球迷咁大膽想咀自己，好彩身手夠敏捷，冇畀人咀對咀錫，但相信已足夠難受。
C朗近9仗場場有波入共射入19球，狀態本身一流，但今仗踢咗68分鐘就被換走，唔單只冇波入，仲全場1次起腳都冇，成為本季首次。又踢得曳又被「侵犯」，今仗堅係C朗「黑歷史」。
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
