譚嘉儀為自己一手包辦曲詞創作的新歌《冰傷》拍MV。
星夢歌手譚嘉儀（Kayee）再為自己一手包辦曲詞創作的新歌《冰傷》拍MV，她說：「今次呢一首歌係講畀另外一半雪藏，本來非常相愛的一段感情，最後男主角開始唔鍾意冷落女主角，好似放咗佢入雪櫃咁，但個女仔又唔捨得走出呢一種冰凍，因為冰凍的感覺令佢感受唔到痛楚。」
Kayee多謝好朋友Stone Wong幫手拍攝，整個MV造型有冰雪的感覺，尤其化妝部分，特別貼上仿冰粒，有一種結冰的感覺，她說：「好多人見到呢個造型都話好似冰雪奇緣的Elsa公主，所以我都搞笑咁拍咗一條片改歌詞唱《 Let it go Don't need 暖包 anymore 》。」但其實拍攝當日非常之凍，場內又有用雪機噴雪再吹風機，拍完之後，當天身上透視紗裙的Kayee就病倒，重傷風加喉嚨痛，要每日都要攬實暖包。
她又說今次MV破天荒地沒有男主角，又指：「林師傑成日笑我公器私用，MV特登搵靚仔男主角來拍攝，今次就無話可說，MV只有另一位女主角周梓盈，因為導演想突顯故事中女子被冷藏的無力孤寂感覺，整個MV的故事情節就交畀佢發揮。」她又說和導演傾談MV製作的時候，希望其中的一個場景設計用樹枝構成，所以她在屋企門口附近一帶執拾樹枝，再交由設計團隊去將樹枝髹上白色，她表示：「好鍾意呢種親力親為的滿足感。」
來源 source: http://hk.on.cc
|
鍾意就快D Share啦！
|
|
|
