2018年4月23日 星期一

險站圍欄打招呼 蘇永康冧爆幫梁漢文抹汗 __,梁漢文,蘇永康,

Edmond小心呀!歌手梁漢文(Edmond)和蘇永康(阿公)早前孖住開騷,雖然無Big4般熱鬧,但笑言現在歌酬除2不是除4,即時開心晒!早前他們在澳 ...


Edmond小心呀!


歌手梁漢文(Edmond)和蘇永康(阿公)早前孖住開騷,雖然無Big 4般熱鬧,但笑言現在歌酬除2不是除4,即時開心晒!早前他們在澳門舉行的《SO MAN SHOW演唱會2018》,現場與觀眾大搞氣氛,握手位不絕,selfie任影,期間Edmond更不顧危險站在圍欄上邊唱邊與觀眾打招呼,保安人員見狀即緊張地攬實他雙腳,令Edmond變相坐在保安的膊頭上,畫面極為趣怪,Edmond笑說:「今晚幾爽喎,冇咗嗰兩隻嘢(許志安和張衞健),平時有Big 4係就係好熱鬧,不過歌酬要除4,但係今次除2喎!好開心喎!」蘇永康現場突然玩即興,將手上的戒指送給一對長者夫婦,並着老伯伯為太太戴上,阿公並開心大叫「禮成!」,之後邀請粉絲上台合唱時,意外地揀中來睇騷的歌手陳逸璇,阿公即搞笑稱:「好少見粉絲咁靚女,唔理佢唱得好唔好聽,最緊要好睇咗先。」二人並合唱一曲「從不喜歡孤單一個」,演唱會尾聲Edmond和阿公以譚詠麟的經典勁歌串燒作結。

Edmond說以前有Big 4及男人幫組合一同演出,如今只有他和阿公難免有點唏噓,不過阿公贊成日後二人要多合作,至於Big 4及男人幫嗰兩個組合何時再復合?阿公表示一切隨緣。

囝囝睡魔急call

另外,阿公的太太帶同兒子一同來捧場,不過囝囝看騷期間睡魔急call,爸爸都無面畀,阿公笑言:「佢上年有跟埋去新加坡演唱會,可能佢當時仲好細,所以太嘈唔可以出台前聽,今次佢有出過台邊一陣,希望下次再唱佢可以坐係台下睇爸爸唱歌,其實囝囝好鍾意聽啲節拍強勁嘅歌,Edmond喺台前唱歌時囝囝仲郁來郁去,點知我換完衫出場個仔就瞓咗,所以尾part唱譚詠麟嘅串燒快歌,係想叫醒個仔起身!」


來源 source: http://hk.on.cc
鍾意就快D Share啦!