陳小姐展示購得的門票，十分開心。
黃子華棟篤笑門票一票難求，排隊買票都未必爭到位，爭到位都未必買得到，更有人專程由外地返港撲飛捧場。於文化中心那邊，有一位姓陳的女粉絲買到飛時即大嗌，更與子華「隔空神會」，高呼謂：「Yeah！我買到飛嘞！黃子華！」相信子華都好戥佢開心。這位女粉絲接受訪問時謂：「未加場時都想買，之前見黃牛飛炒到萬五蚊，知道後就相約朋友一齊前來排隊買飛，我尋晚十點嚟排隊，都差唔到喺隊尾，都見到一個人不停會帶啲婆婆排隊，期間報咗兩次警，警方調停後都嗰個人都畀番個位我，唔係都驚買唔到。」
疑似黃牛黨頭目指揮排隊
另一位一早到場排隊的陳小姐向東網提供片段，表示排隊期間見到有疑似黃牛黨頭目指揮大量長者排隊，陳小姐見狀即拍片。
而今早於文化中心售票處成功買到兩張$880門票的粉絲羅先生專程由馬來西亞返港，被問到知否現場有疑似炒黃牛票飛，他表示不清楚，指自己昨晚七時來排隊，現場亦沒有人叫會他買黃牛飛。
來源 source: http://hk.on.cc
|
鍾意就快D Share啦！
|
|
|
