黎明嘅「漢奸論」引來網民熱議。
天王黎明終於做爸爸，本身係一件好事嚟，但佢喺社交網報喜時，卻為護女罕有地扯火，鬧爆被人爆料造成不便，並提出「漢奸論」引發網民激論。唔少網民認同黎明嘅講法，紛紛留言力撐對方：「黎天王講得冇錯，其實明星都係人，一樣需要正常嘅對待。」、「依家資訊太發達，貪錢嘅八掛人士無處不在，希望你女兒唔會受打擾。」、「黎明咁有分量先講得出咁有台型嘅說話，換轉第二個講實畀hater瘋狂批評。」亦有粉絲勸黎明唔好為冇謂人發火，叫佢專心照顧囡囡先：「BB早產要面對好多挑戰，呢啲自己控制唔到嘅事，就睇開啲」
不過有讚梗係有彈，有網民覺得黎明以「漢奸論」形容爆料者太誇張，仲以另一天王郭富城為例子，表示「城嫂」方媛早前被爆低調生B女，城城都冇出嚟發火鬧人。有人亦認為黎明知名度太高，加上香港地方太細：「係香港生B預咗畀人知！」同時有網民反駁黎明，留言指佢身為藝人應該食得鹹魚抵得渴：「完全認同每個人都享有私隱權利，但爆料與漢奸是互不相及的事情。」、「可能爆料者只係想分享喜悅啫！威廉王子再生囝囝，都大方公布同大家分享喜悅」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
