黃子華加場飛今日開售，南亞裔人士即往搶飛。
藝人黃子華加開9場《金盆𠺘口》棟篤笑門票今日發售，東網記者身處金馬倫道售票處現場，頭位有20多名南亞裔人士，秩序大致良好，排頭位為名叫Alfa的女士她手抱一名嬰兒，她稱已排咗十幾日，BB是尋日帶嚟，想買$880一至兩張飛，她表示幫人買及要自己先出錢，不知能賣出去幾多錢，希望能幫補奶粉錢。
9時半左右出現2名軍裝警，黃子華粉絲李小姐及Roman表示秩序大致良好：「前面有插隊換人職員都有處理，目標係尾場$880，因為子華收山喇。」另一子華粉絲李先生母子企在後巷的垃圾桶位 ，他們表示今朝六時半到，專程請假嚟排隊，人數比想像中少，嚟到數人頭自己排110，依家可能200人左右。問到企正垃圾桶位辛唔辛苦？他們說：「環境有少少惡劣，幾個鐘冇問題。」他們又謂有子華有今生冇來世，支持實名買飛，但係要睇制度點樣，出發點係好，作為香港市民相信會有着數。」
另外，東網收到讀者爆料指在柴灣青年廣場，排隊購買黃子華棟篤笑門票期間有南亞裔插隊與市民有爭執。
來源 source: http://hk.on.cc
|
鍾意就快D Share啦！
|
|
|
