阿嬌話生B要睇緣分。
剛成為賴太的鍾欣潼（阿嬌）孖老公賴弘國從美國返香港，問到去咗咩地方度蜜月？阿嬌話：「都去咗好多地方，美國之後，去咗日本，之後再去台灣。」問到係咪台灣見家長？阿嬌淨係冧笑！再問喺台灣搵咗地方一齊住未？阿嬌都淨係識得笑！會唔會喺台灣搞婚禮？阿嬌話喺台灣搞派對，而婚禮就會留喺香港搞。
結咗婚之後會唔會減少工作同埋親熱戲？阿嬌話：「暫時未有減少。（佢會唔會唔畀你性感？）從來都冇性感。（唔畀拍親熱戲？）冇話唔畀。」問賴弘國會唔會唔畀阿嬌拍親熱戲？佢話：「是工作。（爸爸有冇催阿嬌生B？）有問，但一步步來。（爸爸畀阿嬌幾分？）他很喜歡她，也是滿分。（當佢係親女兒？）對，他們一見面就很喜歡她，她也常來台灣看我家人，他們也很開心，爸爸也很感動。」到咗大家最關心嘅問題喇，幾時BB先？阿嬌話：「一步步嚟。（有冇傾過生幾多個？）冇呀，冇傾過，生小朋友都係緣分。」
容祖兒之前因為簽證問題，差啲去唔到美國，佢突然出現，係咪好驚喜呢？阿嬌話：「有呀！佢突然彈出嚟，都好驚喜，佢真係好好彩。（佢話你對佢好有信心？）可能美國領事館睇到報道，所以幫手」兩人十指緊扣晒婚戒，阿嬌將求婚同婚戒一齊戴，老公除咗戴婚戒外，右手仲戴咗隻金錶，係阿嬌送嘅生日禮物！最後，現場係咁起哄叫佢哋錫錫，但佢哋最後都係冇錫錫嘅！
阿嬌孖老公坐車離開機場，直駛至阿嬌西環寓所。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|