喺父母眼中，子女從來都係焦點中嘅焦點，但當有人吸引過自己子女的話，嗰個人梗係好有份量，講緊嗰個係天王劉德華。
今日有傳媒報道，某幼稚園喺喺灣仔伊利沙伯體育館舉行畢業禮，好多家長一早到場，等住見證子女成長一刻，點知當校董喺台上致詞時，台下突然起哄，只見好多家長都舉機狂拍，但對象並非台上嘉賓或自己嘅子女，而係席上另一對家長劉德華及朱麗倩，原來佢哋嘅寶貝女劉向蕙都係今日嘅畢業生之一。
劉德華夫婦低調入座後，朱麗倩細心聽校董等嘉賓致詞，劉德華成為被拍目標，更有不少家長乘機向劉天王狂揮手，見慣大場面嘅劉德華全程保持微笑回應。小小嘅劉向蕙都有份上台攞畢業證書，見證囡囡長大嘅劉德華顯得興奮，而朱麗倩則在旁影照，紀錄囡囡人生中其中一個重要時刻。其後劉向蕙同其他同學仔一齊喺台上表演時，劉德華同朱麗倩更見興奮，又不停影相留念。
劉德華舊年先獲樹仁大學頒授榮譽文學博士學位（新聞連結： https://bit.ly/2sBIS8V ），隔咗半年就到囡囡畢業，相信劉德華一定好開心！
精選娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|