單車友攜帶單車上港鐵列車不時惹起爭議。有網民上載數張相片上Facebook「馬鞍山之友」專頁，相中可見一對男女各持一輛單車，橫放在列車車廂內。發文者稱，事發時北行東鐵列車九龍塘開出，「他們堅持單車上火車，職員勸喻，他完全當耳邊風，阻礙列車開出」，到列車開出後，港鐵職員問男子何站出車，男子卻反指職員「on(戇)X」，「點解d(啲)人做錯，還可大條道理」。
發文者指，相中人甫入閘職員已即時有禮勸對方離開，但對方完全不理照上車，後來港鐵職員要求對方展示身份證並指要票控對方，但「型男說為何要俾，我都無踩，點解唔得」。
大批網民留言回應貼文，多數是批評單車男女的行為，指二人「拆碌(轆)咪得」、「都係呢d(啲)人攪(搞)到其他踩單車都比(畀)人話」、「D(啲)人點解會咁乞人憎」。
運輸署網頁資料指，根據港鐵附例第4A條，任何人不得在任何時間將任何單車帶過、傳過、駛過或引領其橫過鐵路處所或其任何部分。網頁續指，乘客如欲攜單車乘港鐵，必須摺合單車，確保其符合運載行李規定；若單車尺寸不符運載行李規定，乘客可在拆除單車前車輪的情況下，達致符合運載行李的規定，進入港鐵處所。
網民有話說
Jonathan Cheong：見過大把人都識拆下轆做樣，呢2條友唔出告票就真係難服眾
Raymond Leung：如果唔規定要拆轆，第二日就會有大量水貨客拉着單車載貨上列車
Mandy Fung：可能就係搏俾(畀)你post上fb，佢兩個想紅
馮 邦：其實個頭轆係咪真係咁難拆？難拆到寧願嘈交都唔肯拆？
Louie Lee：作為單車友嘅我，雖然我絕不支持拆轆，不過規矩一定要守，呢兩條友影衰哂我哋單車界
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|