陳自瑤都唔知點樣形容同王浩信關係呀！
藝人陳自瑤與王浩信傳出婚變後，首次出席活動。講到與老公王浩信的關係，可否用恩愛去形容？她支吾以對：「點樣形容呀？」似不懂作答，問到王浩信對上一次對她做過最Sweet的事？她說：「對上次Surprise係生日。」但原來已經是去年8月了。問到她可有七年之癢？她招架不住，避而不答說：「唔想再答其他問題，再答得多，大家又會好多嘢講，我諗今日要講嘢就係咁多。（係咪老夫老妻？）老夫老妻囉。」她聲稱有跟王浩信就近日的傳聞傾過。
兩夫婦做番自己
有指陳自瑤消瘦了，她扮作輕鬆笑說：「你覺得我靚咗呀？你真係覺得我消瘦咗好多，冇呀，其實我只可以話我嘅衣着技巧好咗，我唔知大家係咪覺得我塊面瘦咗，其實我係有肚腩，我冇瘦到反而係比之前肥咗。」她坦言兩夫婦只會做回自己：「我做啲乜，又話我特登點點點，我哋唔需要做啲乜嘢去迎合人哋囉。」問到王浩信於傳聞後可有錫她多點？她再次不知怎樣回答說：「都唔係事實，唔使刻意去做啲乜嘢去補賞，補救啲乜嘢。」
日前王浩信上載女兒畫畫照上社交網，問到她是否揸機拍攝？她即笑說：「Maybe！」她表示一向好少上載一家三口照片，連女兒的照片她都好少上載，她說：「唔通我唔Post又同個女有問題，關係好差？唔係㗎嘛，有啲嘢自己知OK咪得。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
