陳自瑤今午現身出席活動，亦一口氣回答傳媒所有問題，澄清沒有提出離婚，亦未有同王浩信離婚。
陳自瑤表示：「多謝咁多人關心，首先我覺得好好笑嘅一樣嘢，一啲自己唔知道嘅事情，寫到好似真嘅一樣，大家嘅想像力真係好豐富。我都會就呢幾日嘅新聞回應，都知道大家想知。」
「一直首先，冇提出過離婚；第二，我冇趕老公出門口；第三，我小朋友依然同我哋住一齊，好多各方面新聞，覺得唔係事實，亦覺得好笑。」
至於是否分咗居？陳自瑤堅定地謂：「冇，（樓上樓下住？）其實係冇呢件事，不過可能係佢有個office，佢依家除咗拍戲工作外，仲有一啲生意，所以搵咗個地方做office，當然喺屋企唔方便，可能因為一件咁樣嘅事，令到大家有咁樣揣測。」即係樓上樓下？「係呀，我知道今日會見大家，所以咪希望一次過講，唔再再逐回應。」
對於有報道稱陳自瑤已搵律師辦理離婚手續？陳自瑤反問：「係邊度聽番嚟？連我自己都唔知道，唔明大家邊度番，總之我答埋今次，呢幾日新聞唔係事實。」又謂：「都會有知道有呢啲新聞，覺得點解會咁樣寫呢，完全講到我好似潑婦咁，趕老公出街又盛。」
來源 source: http://hk.entertainment.appledaily.com
|
鍾意就快D Share啦！
|
|
|
