36歲陳自瑤(YoYo)同34歲老公王浩信最近傳出婚變消息，敵不過七年之癢。傳出係主動提出離婚嘅YoYo今日下午兩點會現身馬鞍山一個活動，親身為離婚事件解畫，而王浩信就選擇喺老婆現身前三個鐘，喺instagram貼出一張陽光普照風景相，留言：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去驗體狂喜，我就感恩今日太陽終於出返嚟。」至於陳自瑤ig則未有更新。
噚日王浩信亦喺ig貼出陪囡囡做功課嘅相片，一個好爸爸模樣，o依家又話太陽終於出返嚟，究竟係雨過天青，定係等老婆親身公告「重大」消息，一次過交代所有是非呢！
回帶講番，今次爆出婚變，起因唔係同女星嘅緋聞，而係王浩信事先張揚要買獨立屋俾老婆，點知轉頭購入清水灣傲瀧高層單位送俾媽咪(新聞連結： https://bit.ly/2J5Sxe7 )，事前老婆YoYo竟毫不知情，加上之前王浩信屢開「空頭支票」，令陳自瑤終於心死，主動提出離婚(新聞連結：https://bit.ly/2JpxQxh)。
雖然陳自瑤之後未有再於ig貼感性金句，但新聞仍日日有新發展。王浩信接受周刊訪問時，稱近年信基督教，開始學識放下，又強調婚姻關係冇改變，認為婚姻係會有困境，要學習同汲取教訓；但翌日隨即有報道指，王浩信同陳自瑤處於分居階段，陳自瑤決定待女兒靖喬升小學後，就交由王浩信爸媽照顧。對此王浩信稱：「唔回應啦，多謝大家關心!」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
